2018 වසරේ දී, මත්ද්රව්ය ඇබ්බැහිය පිළිබඳ සත්ය තොරතුරු හෙළි නොකර, ගිනි අවියක් මිල දී ගැනීම සම්බන්ධයෙන් එල්ල වී තිබෙන චෝදනාවට අදාළ ව, ඇමරිකානු ජනාධිපති ජෝ බයිඩ්න්ගේ පුත් හන්ටර් බයිඩ්න්ව අධිකරණය මගින් ඊයේ (11) වරදකරු බවට තීන්දු කළා.
සතියක් පුරා පැවති දීර්ඝ නඩු විභාගයකින් පසු ජූරි සභාව තම පුත්රයා සම්බන්ධයෙන් ගත් තීරණයට ගරු කරන බවයි නිවේදනයක් නිතුක් කරමින් එක්සත් ජනපද ජනාධිපති ජෝ බයිඩන් සඳහන් කර තිබුණේ.
හන්ටර් බයිඩ්න්ට හිමි දඬුවම මෙතෙක් ප්රකාශයට පත් ව නැති අතර සාපරාධී ක්රියා තුනකට ම ඔහු වරදකරු වීම හේතුවෙන් ඔහුට උපරිම වශයෙන් වසර 25ක සිර දඬුවම් නියම කිරීමට වුව ද හැකියාව ඇති බව එරට මාධ්ය වාර්තා කර තිබෙනවා.
හන්ටර් බයිඩ්න්ට එරෙහි මෙම නඩු විභාගය ඇමරිකානු ඉතිහාසයේ බලයේ සිටින ජනාධිපතිවරයකුගේ දරුවෙකුට එරෙහි පළමු අපරාධ නඩු විභාගය ලෙස සටහන් වෙනවා.
සිය පුත්රයා හෙරොයින් භාවිතයට ඇබ්බැහි ව සිටි බව ජෝ බයිඩ්න් පිළිගෙන ඇති අතර ඔහු ඒ ඇබ්බැහියෙන් ගැලවී යළි යථා තත්ත්වයට පත් වීමට ගත් උත්සාහය සම්බන්ධයෙන් තමන් සතුටු වන බවත් ජනාධිපතිවරයා පවසා තිබෙනවා.
නීතිමය ක්රියාවලිය තුළ සිය පුත්රයාට අභියාචනයක් ඉදිරිපත් කිරීමේ හැකියාව ඇති බව පවසන ජනාධිපතිවරයා, ඒ් ඔස්සේ ඉදිරියට යනු මිස ඔහුට සමාව ගැනීමට මැදිහත් නොවන බව ද පවසා තිබෙනවා.
ජනාධිපති බයිඩ්න් ඩෙලවෙයාර් අධිකරණයේ පැවති නඩු විභාගය සඳහා පැමිණ නොතිබූ අතර, ජනාධිපති ආර්යාව ජිල් බයිඩ්න් ඇතුළු පවුලේ සාමාජිකයින් හන්ටර් සමග දිනපතා අධිකරණයට පැමිණි බවයි එරට මාධ්ය පවසන්නේ.
