සංවිධානාත්මක අපරාධකරුවකු හා මත්ද්රව්ය ජාවාරම්කරුවකු වන පානදුර කුඩු සලිඳු නැමැත්තාගේ මත්ද්රව්ය ජාවාරම් හා සංවිධානාත්මක අපරාධ ඩුබායි සිට මෙහෙයවනු ලබන ප්රධාන ගෝලයන් වන නිලංග සම්පත් හා සංඛ සම්පත් යන අයගේ මෙරට මත්ද්රව්ය ජාලය මෙහෙයවනු ලබන ගෝලයෙක් විශේෂ කාර්ය බලකාය විසින් අත්අඩංගුවට ගෙන තිබෙනවා.
පානදුර, නල්ළුරුව ප්රදේශයේ දී ඊයේ (08) මෙම 27 හැවිරිදි සැකකරු අත්අඩංගුවට ගෙන ඇති බවයි වාර්තා වුණේ.
එහිදී සැකකරු සන්තකයේ තිබී අයිස් මත්ද්රව්ය ග්රෑම් 10යි මිලිග්රෑම් 400ක් සහ 38 SPECIAL රිවෝල්වර් වර්ගයේ ජීව උණ්ඩ 20ක් සොයාගෙන තිබෙනවා.
අත්අඩංගුවට ගැනුණු සැකකරු වැඩිදුර විමර්ශන කටයුතු සඳහා පානදුර දකුණ පොලිස් ස්ථානය වෙත භාරදීමටයි කටයුතු කර ඇත්තේ.
සැකකරුගෙන් වැඩිදුර ප්රශ්ණ කිරීමේදී ඔහු කුලී පදනම පානදුර, නෙවිල් පෙරේරා මාවතේ ලබාගෙන තිබූ නිවසක් පරික්ෂා කිරීමේ දී එහි අල්මාරියක සඟවා තිබූ මත්ද්රව්ය ජාවාරමෙන් උපයාගත් බවට සැක කෙරන රුපියල් 4,249,900ක මුදලක් ද සොයාගෙන තිබෙනවා.
මෙම පුද්ගලයාගේ කුලී නිවසේ දී ඔහු සමඟ සම්බන්ධ වෙමින් මෙරට මත්ද්රව්ය ජාවාරම් හා සංවිධානාත්මක අපරාධ ක්රියාකාරකම් හා මත්ද්රව්ය ජාවාරමෙන් උපයාගන්නා මුදල් සැඟවීම් වලට අධාර අනුබල ලබාදුන් මොරවින්න, පානදුර ප්රදේශයේ පදිංචි වයස අවුරුදු 34 ක පුද්ගලයකු ද අත්අඩංගුවට ගැනීමට හැකි වූ බවයි විශේෂ කාර්ය බලකාය සඳහන් කළේ.
ඒ, අනුව වැඩිදුරටත් ප්රශ්න කිරීමේ දී මෙම සැකකරුවන් දෙදෙනා සංවිධානාත්මක අපරාධකරුවකු හා මත්ද්රව්ය ජාවාරම්කරුවකු වන පානදුර කුඩු සලිඳු නැමැත්තාගේ මත්ද්රව්ය ජාවාරම් සිදුකරනු ලබන ප්රධාන ගෝලයන් වන ඩුබායි රාජ්යයේ රැදි සිටින නිලංග සම්පත් හා සංක සම්පත් යන අයගේ මෙරට මත්ද්රව්ය ජාලය මෙහෙයවනු ලබන පුද්ගලයන් බවත්, මෙම පුද්ගලයින් කුඩු සලිඳු විසින් සිදුකරන ලද අපරාධ රැසකට සම්බන්ධ පුද්ගලයන් බවට අනාවරණය වී තිබෙනවා.