ශ්රී ලංකා නිදහස් පක්ෂයේ මෛත්රී පාර්ශ්වය මඟින් කැදවා තිබූ විධායක සභා රැස්වීම සම්බන්ධයෙන්, නිදහස් පක්ෂයේ නිමල් සිරිපාල ද සිල්වාගේ පාර්ශ්වය නියෝජනය කරන වැඩ බලන මහලේකම් දුමින්ද දිසානායක විශේෂ ලිපියක් යොමුකර තිබෙනවා.
අදාළ ලිපිය මෛත්රී පාර්ශ්වයේ නියෝජ්ය ලේකම් ලෙස කටයුතු කරන සරත් ඒකනායක වෙත යොමුකර ඇති අතර, එමඟින් දන්වා ඇත්තේ ශ්රී ලංකා නිදහස් පක්ෂයේ රැස්වීමක් බවට හුවා දක්වමින් ඊනියා රැස්වීමක් කැඳවා ඇති බවයි.
ශ්රී ලංකා නිදහස් පක්ෂයේ විධායක සභා රැස්වීමක් කැඳවීමට සරත් ඒකනායකට බලයක් හෝ අයිතියක් හෝ හිමිකමක් නොමැති බවට අදාළ ලිපිය මඟින් වැඩිදුරටත් දක්වා තිබෙනවා.
ශ්රී ලංකා නිදහස් පක්ෂයේ මෛත්රීපාල සිරිසේන පාර්ශ්වය මඟින් අද (12) දිනයේ කෝට්ටේ ප්රදේශයේ පිහිටි පෞද්ගලික හෝටලයක විධායක සභා රැස්වීමක් පවත්වනු ලැබුවා.
මෙම විධායක සභා රැස්වීම කැඳවා තිබුණේ මෛත්රී පාර්ශ්වයේ නියෝජ්ය ලේකම් ලෙස කටයුතු කරන සරත් ඒකනායක විසින්.
නිමල් සිරිපාල ද සිල්වාගේ පාර්ශ්වයේ වැඩ බලන මහලේකම් දුමින්ද දිසානායක යොමුකළ ලිපිය පහතින්.
