මෙරට රියදුරු බලපත්රය අවශ්ය විදේශිකයන්ට අප්රේල් මස 15වනදා සිට එය ලබා ගැනීමට අවශ්ය කටයුතු සූදානම් කර තිබෙන බව ප්රවාහන රාජ්ය අමාත්ය ලසන්ත අලගියවන්න පවසනවා.
අදාළ විදේශිකයන්ට ගුවන් තොටුපළේදීම රියදුරු බලපත්රය සඳහා අයදුම් කර, ගුවන් තොටුපොලෙන් පිටතට පැමිණෙන විට එය ලබා ගැනීමට අවශ්ය කටයුතු සූදානම් කර තිබෙන බවයි අමාත්යවරයා සදහන් කළේ.
එමෙන්ම රිය අනතුරු වින්දිතයන්ට අධිකරණ ක්රියාමාර්ගයකින් තොරව කඩිනමින් වන්දි ලබා දීමේ වැඩපිළිවෙලද මාර්තු මස 01වනදා ආරම්භ කළ බව රාජ්ය අමාත්යවරයා සඳහන් කළා.
ඒ අනුව අනතුර සිදු වී වසරක් තුළ අදාළ රක්ෂණ ආයතනයට අයදුම් කිරීමෙන් උපරිමය රුපියල් ලක්ෂ 05ක් දක්වා වන වන්දි මුදල එම රක්ෂණ ආයතනයේ දිවයින පුරා පිහිටි ඕනෑම ශාඛාවකින් ලබා ගැනීමේ හැකියාව ලැබෙන බවද රාජ්ය අමාත්යවරයා කියා සිටියා.
ප්රවාහන රාජ්ය අමාත්ය ලසන්ත අලගියවන්න මේ බව සඳහන් කර සිටියේ ‘ස්ථාවර රටකට සැවොම එක මඟකට’ මැයෙන් අද (22)දින ජනාධිපති මාධ්ය කේන්ද්රයේ පැවති ප්රවෘත්ති සාකච්ඡාවට එක්වෙමින්.
