අද (12) දින අනුරාධපුර නගරයේදී ඒකාබද්ධ ගුරු විදුහල්පතිවරු තම වැටුප් විෂමතාවයන් සහ අධ්‍යාපන ක්ෂේත්‍රයේ ඇති ගැටළුවලට විසඳුම් ඉල්ලා දැවැන්ත උද්ඝෝෂණයක නිරත වුණා.
ඔවුන් උද්ඝෝෂණයක නිරත වෙමින් කියා සිටින්නේ, මේ වන විට අධ්‍යාපන ක්ෂේත්‍රය තුළ දැවැන්ත ගැටළු රාශියක් ඇති බැවින් විශේෂයෙන්ම පාසල්වල ගුරුවරු සහ විදුහල්පතිවරුන්ගේ පුරප්පාඩුවක් ඇති බවත් ඒ තුළින් පාසල් වැසී යාමේ අවදානමකට ලක්ව ඇති බවත් හා දරුවන්ගේ අධ්‍යාපන කටයුතු අඩාල වන බවත් ය.
මේ වන විට ගුරුවරුන්ගේ සහ විදුහල්පතිවරුන්ගේ වැටුප් විෂමතාවයන් ඇති බවත් එම වැටුප විෂමතාවයන් ඉවත් කර තම වැටුප් වැඩි කරදෙන ලෙසත් ඔවුන් ඉල්ලා සිටියි.
තම ඉල්ලීම් ඉටු කිරීමට රජය අපොහොසත් වුවහොත් ඉදිරියේදී දැවැන්ත වෘත්තිය ක්‍රියාමාර්ගවල නිරතවීමට සිදුවන බවත් ඒ තුළින් දරුවන්ගේ අධ්‍යාපනයට වන හානිය රජය විසින් භාරගත යුතු බවද ඔවුන් අවධාරණය කර සිටියා.
මේ සඳහා ගුරු විදුහල්පතිවරුන් නියෝජනය කරමින් වෘත්තීය සමති නායකයින් රැසක් සහභාගි වී සිටි අතර එම නායකයින් මාධ්‍යයට අදහස් පළ කළ සිටියා.
මෙම විරෝධතාකරුවන් අනුරාධපුර ඩී.එස් වටරවුමේ සිට විරෝධතාවයක නිරත වීමෙන් අනතුරුව අනුරාධපුර බැංකු නගරය දක්වා පා ගමනින් පැමිණ උද්ඝෝෂණයේ නිරතව වෘත්තීය සමති නායකයින් විසින් ඔවුන් ආමන්ත්‍රණය කර සිටියා.
පැය දෙකක පමණ කාලයක් විරෝධතාවයේ නිරතව සිට ඔවුන් සියලු දෙනා විසිර ගියා.
