යතුරු පැදියෙන් ගොස් විවිධ ප්රදේශවලට හෙරොයින් මත්ද්රව්ය බෙදාහැරීම සිදුකරනු ලබන විවාහක යුවලක් කහවත්ත පොලිසිය මගින් අත්අඩංගුවට ගෙන තිබෙනවා.
යුක්තිය මෙහෙයුම්වලට සමගාමීව සිදුකරන ලද මෙහෙයුම්වල දී කහවත්ත පොලිස් ස්ථානයේ නිළධාරින් කණ්ඩායමක් විසින් හාගල, හුංගම, ඇඹිලිපිටිය ලිපිනයේ පදිංචි 30 හැවිරිදි රසික සම්පත් නැමති සැකකරු හෙරෝයින් මත්ද්රව්ය ග්රෑම් 05 මිලිග්රෑම් 425ක් සමගින් ඊයේ (15) දින අත්අඩංගුවට ගෙන තිබුණා.
මෙම සැකකරුට විදේශ රටක සිට ජාවාරම්කරු විසින් වට්ස්ඇප් මගින් දැනුම්දෙන ස්ථානයක දී හෙරොයින් මත්ද්රව්ය ලබාදෙන අතර, සැකකරු විසින් මොහුට අයත් යතුරු පැදියෙන් ගොස් එම මත්ද්රව්ය පැකට් පැල්මඩුල්ල සහ බලංගොඩ ප්රදේශයේ ජාවාරම්කරු විසින් දැනුම්දෙන ස්ථානයක ඉතා ක්ෂූක්ෂම ලෙස තබා එම ස්ථානයේ ඡායාරූපයක් ගෙන විදේශගත ජාවාරම්කරුට යොමු කරනු ලබන බවත් විමර්ශනවල දී අනාවරණය වී තිබෙනවා.
25 හැවිරිදි සැකකරුගේ බිරිදගේ නමින් මීරිගම ලංකා බැංකු ශාඛාවේ ගිණුමකට දෛනිකව මත්ද්රව්ය ජාවාරම්කරු විසින් රුපියල් 15,000/- ක මුදලක් බැර කරනු ලබන බවටත් විමර්ශන නිළධාරීන් අනාවරණය කර ඇති අතර, සැකකරුවන්ට අයත් බැංකු ගිණුම් සම්බන්ධයෙන් පොලිසිය වැඩිදුරටත් විමර්ශන සිදුකරනු ලබනවා.
