2020 මාර්තු මාසයේ සිට තාවකාලිකව ශ්රී ලංකාව සමඟ නවතා තිබූ සිය ගුවන් ගමන් මෙහෙයුම් යළි අද (02) දිනයේ සිට ආරම්භ කිරීමට කැතේ ෆැසිපික් ගුවන් සේවය කටයුතු කළා.
කැතේ ෆැසිපික් ගුවන් සේවයේ සී.එක්ස්.- 611 දරන ප්රථම මංගල ගුවන් යානය අද (02) දින මධ්යම රාත්රී 11.35 ට ගුවන් මගීන් 253 දෙනෙකු රැගෙන කටුනායක ගුවන් තොටුපොළ වෙත පැමිණියා.
සතියේ සෑම අඟහරුවාදා, බ්රහස්පතින්දා සහ සෙනසුරාදා යන දින වල හොංකොං සිට කටුනායක දක්වා ඍජු ගුවන් ගමන් සේවා කැතේ ෆැසිපික් ගුවන් සේවයේ මෙතැන් සිට ක්රියාත්මක කිරීමට නියමිතයි.
කැතේ ෆැසිපික් ගුවන් සේවය මෙම මංගල ගුවන් ගමන සදහා එයාර් බස් 330 – 300 වර්ගයේ ගුවන් යානයක් යොදවා තිබුණා.
කැතේ ෆැසිපික් ගුවන් සේවා හොංකොං සිට ලොව පුරා රටවල් 80ක ගමනාන්ත කරා සිය ගුවන් ගමන් මෙහෙයුම් සිදුකරනවා.
ඔබේ ප්රතිචාරය කුමක්ද ?
+1
1
+1
+1
1
+1
+1
+1
1
+1
