පලස්තීන රාජ්යයක් පිහිටුවීමේ අදහස ඊශ්රායල අගමැති බෙන්ජමින් නෙතන්යාහු යළිත් ප්රතික්ෂේප කර තිබෙනවා.
ඔහුගේ මෙම ප්රකාශය සිදු වූයේ එක්සත් ජනපද ජනාධිපති ජෝ බයිඩ්න් සමඟ පැවති දුරකථන සංවාදයෙන් පැය කිහිපයකට පසුවයි.
නෙතන්යාහු මහතාට තවමත් එම අදහස පිළි ගැනීමට අවස්ථාව ඇති බව එක්සත් ජනපද නායකයා ප්රකාශ කර තිබෙනවා.
එක්සත් ජනපදයේ මතය වී ඇත්තේ ඊශ්රායලය සමඟ පලස්තීනය අතර දිගුකාලීන ස්ථාවරත්වය සඳහා “ද්වි-රාජ්ය විසඳුමක්” අත්යවශ්ය බවයි.
නායකයන් දෙදෙනා මසකට ආසන්න කාලයකින් පසු පළමු වරට සංවාදයේ නිරත වීමෙන් පසුව මාධ්යවේදීන් අමතමින් බයිඩ්න් මහතා අවධාරණය කළේ නෙතන්යාහු මහතා සමඟ තවමත් රාජ්ය දෙකක විසඳුම ලබා ගත හැකි මට්ටමක පවතින බවයි.
ඊශ්රායල අග්රාමාත්ය බෙන්ජමින් නෙතන්යාහු නිවේදනයක් නිකුත් කරමින් සඳහන් කර ඇත්තේ පලස්තීනයේ සම්පූර්ණ බලය ඊශ්රායලය සතු කර ගත යුතු අතර පලස්තීන ප්රදේශයන්හි ආරක්ෂක පාලනය ඊශ්රාලය රඳවා ගත යුතු බවයි.
ස්වාධීන පලස්තීන රාජ්යයක් පිහිටුවීම සම්බන්ධයෙන් ජාත්යන්තරයෙන් එල්ලවන පීඩනය නොතකා හරින බව ද ඊශ්රායල අග්රාමාත්යවරයා ප්රකාශ කර තිබෙනවා. අනාගත පලස්තීන රාජ්යයක් පිහිටුවීමේ තම සංකල්පයට දායකත්වය සපයන ලෙසයි ඔහු අමෙරිකාව ඇතුළු බටහිර රටවලින් ඉල්ලා සිටින්නේ.
ගාසා තීරය ඉලක්ක කරගනිමින් සිදුවන ප්රහාරයන් සම්බන්ධයෙන් තමන්ට හා තම රජයට එල්ලවන පීඩනය නොසලකා හරින බව ද ඊශ්රායලය අග්රාමාත්යවරයා ප්රකාශ කර තිබෙනවා.
ඊශ්රායල අග්රාමාත්යවරයා හා අමෙරිකා ජනාධිපතිවරයා අතර පැවති විශේෂ දුරකතන සංවාදයේදී පලස්තීන ප්රදේශවල අනාගතය ගැන සාකච්ඡා වී තිබුණා.
හමාස් පාලනය යටතේ පවතින සෞඛ්ය අමාත්යාංශයේ නිලධාරීන් සෙනසුරාදා ප්රකාශ කළේ පසුගිය පැය 24 තුළ භූමි ප්රදේශයේ පුද්ගලයින් 165 දෙනෙකු මියගොස් ඇති අතර ගැටුම ආරම්භ වූ දා සිට සමස්තයක් ලෙස මියගිය සංඛ්යාව 25,000කට ආසන්න බවයි.
