බංග්ලාදේශයේ ප්‍රබල භූ කම්පනයක් සිදුවී තිබෙනවා. එය රික්ටර් මාපකයේ 5.8ක ප්‍රබලත්වයක් සටහන් වී ඇති භූමිකම්පාවක් බවයි භූ විද්‍යාව පිළිබඳ ජර්මානු පර්යේෂණ මධ්‍යස්ථානය පවසන්නේ.
භූමිකම්පාව කිලෝමීටර් 10ක් (සැතපුම් 6.2ක්) ගැඹුරක හටගෙන ඇතැයි ද සඳහන්.
අද උදෑසන ඩකා සහ බංග්ලාදේශයේ අනෙකුත් ප්‍රදේශවලට මෙම කම්පනය දැනී ඇති අතර ජනතාව කලබලයට පත්ව ඇති බවයි විදෙස් මාධ්‍ය වාර්තා කළේ.
මෙම කම්පනයත් සමඟ, මේ වසරේ ඩකා සහ රටේ අනෙකුත් ප්‍රදේශවලට වශයෙන් භූමිකම්පා 7ක් සිදුව ඇති අතර බොහෝ කම්පනවල කේන්ද්‍රස්ථානය වූයේ ඩකා ආසන්න ප්‍රදේශයි.
භූමිකම්පාව හේතුවෙන් මෙතෙක් කිසිදු හානියක් වාර්තා වී නැහැ.
රිච්ටර් මාපකයේ 5.6ක ප්‍රබලත්වයෙන් යුත් භූ කම්පනය පෙරවරු 9.35ට දැනී ඇත අතර එය තත්පර කිහිපයක් පැවති බව බංග්ලාදේශ කාලගුණ විද්‍යා දෙපාර්තමේන්තුව (BMD) පවසනවා.
භූමිකම්පාවේ අපකේන්ද්‍රය කොමිලා දිස්ත්‍රික්කයේ වන අතර එහා ඩකා හි අගර්ගෝන් හි BMD භූ කම්පන මධ්‍යස්ථානයේ සිට කිලෝමීටර් 86 ක් දුරින් පහිටි ප්‍රදේශයක්.
එක්සත් ජනපද භූ විද්‍යා සමීක්ෂණ ආයතනය (USGS) වාර්තා කළේ භූ කම්පනයේ ප්‍රබලත්වය රික්ටර් මාපක 5.5ක් බවයි.
මෙයට පෙර සැප්තැම්බර් 17 වන දින ඩකා ඇතුළු බංග්ලාදේශයේ විවිධ ප්‍රදේශවල භූමිකම්පාවක් ඇති වුණා. රිච්ටර් මාපකයේ 4.2ක ප්‍රබලත්වයෙන් යුත් එම භූමිකම්පාවේ කේන්ද්‍රය වූයේ තංගයිල් ප්‍රදේශයයි.
සැප්තැම්බර් 9 වැනිදා ද රික්ටර් මාපකයේ 4.4ක ප්‍රබලත්වයෙන් යුත් තවත් භූමිකම්පාවක් බංග්ලාදේශයට බලපෑම් එල්ල කළා.
අගෝස්තු 14 වන දින රාත්‍රී 8:51ට, ඩකා ඇතුළු රටේ විවිධ ප්‍රදේශවලට රිච්ටර් පරිමාණයේ 5.5 ක ප්‍රබල භූමිකම්පාවක් සිදුවුණා.
ඊට පෙර, ජුනි 16 වන දින, අගනුවර ඇතුළුව රට පුරා රික්ටර් මාපකයේ 4.5 ක භූමිකම්පාවක් ද වාර්තා වී තිබෙනවා.
මේ වසරේ මැයි 5 වැනිදා ඩකා සහ ඒ අවට ප්‍රදේශවල සිදු වූ තවත් භූමිකම්පාවක් රිච්ටර් මාපකයේ 4.3ක ප්‍රබලත්වයකින් යුක්ත වූ බව සඳහන්.
ප්‍රවීණයන් පවසන පරිදි බුරුම තලයේ සහ ඉන්දියානු තහඩුවේ ප්‍රතිවිරුද්ධ චලනයන් හේතුවෙන් මෘදු හා මධ්‍යස්ථ භූමිකම්පා බංග්ලාදේශයට බලපානු ලබනවා.
නිතර භූමිකම්පා ඇති කරමින් කම්පන මුදා හැරීමට මගක් සොයන මෙම තහඩු දෙක අතර සැලකිය යුතු ශක්ති සමුච්චයක් පවතින බවයි විශේෂඥයන් පවසන්නේ.
ඔවුන් අවධාරණය කරන්නේ බංග්ලාදේශය භූ කම්පන අවදානම් කලාපයක පිහිටා ඇති බවයි. ඊට යටින් ගොඩගැසී ඇති ශක්ති ප්‍රමාණයෙන් පෙනී යන්නේ රට තුළ විශාල භූමිකම්පාවක් සිදුවීමට ඇති හැකියාව බව ද ඔවුන් සඳහන් කර තිබෙනවා.
