2022 වර්ෂයට අදාළ අධ්‍යයන පොදු සහතික සාමාන්‍ය පෙළ විභාගයේ ප්‍රතිඵල මේ වනවිට නිකුත්ව තිබෙනවා.
ඒ, අනුව විභාග ප්‍රතිඵල නැවත සමීක්ෂණය සඳහා ලබන 04 වනදා අයදුම්පත් කැඳවන බව විභාග දෙපාර්තමේන්තුව සඳහන් කර සිටියා.
නැවත සමීක්ෂණ අයදුම්පත් කැඳවීම ලබන 18 වනදා අවසන් වන බවයි එම දෙපාර්තමේන්තුව වැඩිදුරටත් සඳහන් කළේ.
මේ අතර සියලුම පාසල් අයදුම්කරුවන්ගේ මුද්‍රිත කේවල ප්‍රතිඵල ලේඛන අදාළ විදුහල්පතිවරුන් වෙතත්, පෞද්ගලික අයදුම්කරුවන්ගේ ප්‍රතිඵල ලේඛන එම අයදුම්කරුවන් වෙතත් ප්‍රතිඵල නැවත සමීක්ෂණයෙන් පසු නිකුත් කිරීමට නියමිතයි.
