ඉන්දීය අග්රාමාත්ය නරේන්ද්ර මෝදි ප්රහාරක ජෙට් යානයක නැගී සාර්ථක ගුවන් ගමන් සංචාරයක් සිදුකර තිබෙනවා.
ඉන්දීය මාධ්ය වාර්තා කළේ ඉන්දියාවේ නිෂ්පාදිත ‘තේජාස්’ නැමැති සැහැල්ලු ප්රහාරක ගුවන් යානයෙන් අග්රාමාත්යවරයා මෙම ගුවන් සංචාරය සිදුකර ඇති බවයි.
බැංගලෝර් හි පිහිටි ආරක්ෂක මූලස්ථානයක් වෙත අද (25) පෙරවරුවේ පැමිණි අග්රාමාත්ය නරේන්ද්ර මෝදි එහි දී මෙම අත්දැකීම ලබාගත් බවටයි තොරතුරු වාර්තා වන්නේ.
එමෙන්ම එම මූලස්ථානයේ පිහිටි නිෂ්පාදන කම්හලේ සිදුවෙමින් පවතින කටයුතු නිරීක්ෂණයට ද අග්රාමාත්යවරයා එක්ව තිබෙනවා.
මේ අතර අග්රාමාත්ය මෝදි සිය ගුවන් අත්දැකීම සම්බන්ධයෙන් ඔහුගේ නිල එක්ස් ගිණුමේ සටහනක් තබමින් සඳහන් කළේ මෙවැන්නක්.
“තේජාස් යාත්රාවේ මෙහෙයුමක් සාර්ථකව නිම කළා. අත්දැකීම ඇදහිය නොහැකි තරම් පොහොසත් එකක්, අපේ රටේ ස්වදේශික හැකියාවන් පිළිබඳ මගේ විශ්වාසය සැලකිය යුතු ලෙස ඉහළ නැංවුනා, අපගේ ජාතික හැකියාවන් පිළිබඳ අභිමානය සහ ශුභවාදී හැඟීමක් මට ඉතිරි කළා.”
මේ අතර ඉන්දීය ගුවන් හමුදාව දැනට තේජාස් MK-1 ගුවන් යානා 40ක් නිෂ්පාදනය කර භාවිතයට ගැනෙනවා.
