වනඅලි පහරදීමකින් පුද්ගලයෙක් මරුට

වනඅලියෙක් පහරදීමෙන් පුද්ගලයෙකු මියගොස් ඇති බව කරුවලගස්වැව පොලීසිය පවසනවා.

අද අලුයම 3.30ට පමණ මෙම වනඅලි පහරදීම සිදු ව ඇති බවයි පැවසෙන්නේ.

මෙලෙස මියගොස් ඇත්තේ තබ්බෝව – තෙවණුරුව පදිංචි ව සිටි වර්ණකුල සුර්ය නිකුලස් පෙරේරා නමැති 73 හැවිරිදි අයෙක්.

අලුයම් කාලයේ දී මරණකරුගේ නිවස අසලට පැමිණ ඇති වනඅලියා පලවා හැරීමට උත්සාහ කරන විට ඔහුට වනඅලි ප්‍රහාරය එල්ල වී තිබෙනවා.

වනඅලි පහරින් ඔහු එම ස්ථානයේ දී ම මියගොස් ඇති බවයි අප ප්‍රාදේශීය වාර්තාකරු පැවසුවේ.