ලෝක කුසලාන තරගාවලියේ තවත් තරගයක් නවසීලන්තය සහ පාකිස්ථානය කණ්ඩායම අතර අද (04) පැවැත්වෙනවා.
මෙම තරගයේ අවසන් තීරණය කණ්ඩායම් තුනක ලෝක කුසලානයේ ඉදිරි ගමන තීරණයවීම ද විශේෂත්වයක්.
බැංගලෝර් හිදී පැවැත්වෙන මෙම තරගයේ කාසිය වාසිය හිමිකර ගැනීමට පාකිස්ථාන නායකයා සමත් වුණා.
ඒ, අනුව එම්.චින්නස්වාමි තණතීරුවේ පළමුව පන්දු යැවීමට පාකිස්ථාන නායකයා තීරණය කළා.
මෙම තරගය නවසීලන්ත ජයගතහොත් පාකිස්ථානය, ශ්රී ලංකාව සහ නෙදර්ලන්තයට ලෝක කුසලාන ගමන අවසන් කිරීමට සිදුවනවා.
පාකිස්ථානය මෙම තරගය ජයගතහොත් මෙම කණ්ඩායම් තුනට තරගාවලියේ ඉදිරිය ගැන සියුම් බලාපොරොත්තුවක් තබා ගත හැකියි.
අද තරගය සඳහා නවසීලන්ත නිත්ය නායක කේන් විලියම්සන් ක්රීඩා කිරීමට නියමිතයි.
