ශ්රී ලංකාවේ සංචාරක ව්යාපාරය ප්රවර්ධන කිරීමේ ව්යාපෘතියක් ලෙස දකුණු ආසියානු රටවල ජනතාව වැඩි වශයෙන් මෙරටට ආකර්ෂණය කර ගැනීම සඳහා ඉන්දියාවේ “සද්ගමයා” පදනමේ සහයෝගීතාව ඇතිව විශේෂ වැඩසටහනක සමාරම්භක අවස්ථාව අද මීගමුව ජෙට්වින්ග් ලැගූන් හෝටලයේ දී පැවැත් වුණා.
එහිදී යෝග ක්රමවල කොටසක් වන “ශාරීරික යෝග්යතාව” (Breath Work) සහ පෙර ආත්ම භවයන් පිළිබඳ දැනුවත් කිරීමේ වැඩසටහන් (Past Life Regression) මගින් විශේෂයෙන් ඉන්දියාවේ සංචාරකයන් මෙරටට ගෙන්වා ගැනීමටයි සැළසුම් කර ඇත්තේ.
මේ සඳහා ඉන්දියාවේ මේ පිළිබඳව වැඩිදුර හදාරා ඇති පරිනත පුද්ගලයන් ශ්රී ලංකාවට ගෙන්වා ඔවුන් මගින් මෙම දකුණු ආසියානු සංචාරකයන් වෙත විශේෂ ප්රායෝගික වැඩසටහන් ක්රියාත්මක කිරීමට මෙම වැඩසටහන තුළින් සිදු කිරීමට පියවර ගෙන තිබෙනවා.
මෙම සමාරම්භක වැඩසටහන සඳහා ඉන්දියාවේ සිට ශ්රී ලංකාවට පැමිණි ඉන්දීය ජාතිකයන් 40 දෙනෙකු සහභාගී වී සිටි අතර ඔවුන් මේ පිළිබඳව දැනුවත් කිරීම සදහා ඉන්දියාවේ “සද්ගමයා” පදනමේ දේශකවරුන් කීප දෙනෙකුම පැමිණ සිටි බවයි අප වාර්තාකරු සඳහන් කළේ.
