ලෝක කුසලාන ක්රිකට් තරගාවලියේ නෙදර්ලන්තය සමග පැවති තරගයෙන් ලකුණු 309ක විශිෂ්ට ජයක් ලබා ගැනීමට කණ්ඩායම අද සමත්වුණා.
තරගය පැවැත්වුණේ දිල්ලිහිදීයි.
කාසියේ වාසිය දිනා පළමුවෙන් පන්දුවට පහරදුන් ඔස්ට්රේලියාව නියමිත පන්දුවාර 50 අවසානයේ කඩුලු 8ක් දැවී ලකුණු 399ක් ලබාගත්තා.
මෙම තරගයේදී එක්දින ක්රිකට් ලෝක කුසලානයේ වාර්තා අලුත් කිරීමට ග්ලේන් මැක්ස්වෙල්ට හැකියාව ලැබුණා.
ඒ ලෝක කුසලාන තරගයකදී ලබාගත් වේගවත්ම ශතකය තමාගේ නම ඉදිරියෙන් ලියා ගනිමින්. මැක්ස්වෙල් පන්දු 40කින් එම ශතකය ලබාගත්තේ හතරේ පහර 9ක් සහ හයේ පහර 8ක් ද සමගින්. Logan van Beek ගේ පන්දුවක් හමුවේ Sybrand Engelbrecht අතට උඩ පන්දුවක් ලබා දෙමින් දැවී යන විට මැක්ස්වෙල් ලකුණු 106ක් ලබා සිටියා.
ඩේවිඩ් වෝනර් ලකුණු 104යි. හතරේ පහර 11ක් සහ හයේ පහර 3ක් එම ලකුණු 104ට ඇතුලත් වුණා. ස්ටීවන් ස්මිත් 71යි. Marnus Labuschagne ලකුණු 62ක් ලබා ගත්තා.
පන්දු යැවීමේදී Logan van Beek කඩුලු 4ක් සහ Bas de Leede කඩුලු 2ක් බිඳ හෙලුවා.
අද තරගයේදී නෙදර්ලන්ත කණ්ඩායමේ පන්දු යවන ක්රීඩක Bas de Leede යැවූ පන්දු වාර 10දී ඔස්ට්රේලියා කණ්ඩායම ලකුණු 115ක් රැස් කර ගත් අතර එය එක්දින තරගාවලියකදී පන්දු යවන්නෙක් ලබා දුන් ඉහළම ලකුණු සංඛ්යාව ලෙසටයි වාර්තා අතරට එක් වන්නේ.
ඒ අනුව මෙම තරගය ජය ගැනීමට නෙදර්ලන්තයට හිමිවූ ඉලක්කය ලකුණු 400ක්.
එහෙත් පිළිතුරු ඉනිම වෙනුවෙන් පිටියට පිවිසි නෙදර්ලන්ත කණ්ඩායමට පන්දුවාර 21ක් අවසානයේ සියලු දෙනා දැවී ලබා ගැනීමට හැකිවූයේ ලකුණු 90ක් පමණයි. Vikramjit Singh ලකුණු 25යි.
පන්දු යැවීමේදී Adam Zampa කඩුලු 4ක් සහ Mitchell Marsh කඩුලු 2ක් බිඳ හෙලුවා.
ඔස්ට්රේලියාව අද ලැබූ ජය එක්දින ක්රිකට් ලෝක කුසලාන තරගයක කණ්ඩායමක් ලැබූ දැවැන්තම ජයග්රහණය ලෙසට ද වාර්තා අතරට එක්වනු ඇති.
