මුලතිව් කොක්කුතුඩුවායි සමූහ මිනී වළේ කැණීම් කටයුතු තාවකාලිකව නතර කර තිබෙනවා.
එම සමූහ මිනී වළේ කැණීම් කටයුතු භාර ජ්යෙෂ්ඨ පුරාවිද්යා මහාචාර්ය රාජ් සෝමදේව මහතා සඳහන් කළේ පසුගිය 15 වනදා සිට මෙම කැණීම් කටයුතු නතර කර ඇති බවයි.
මේ දක්වා කැණීම්වලින් මතුකර ගත් ද්රව්ය ඇතුලු සාක්ෂි සම්බන්ධයෙන් විශ්ලේෂණය කර මුලතිව් අධිකරණයට කරුණු වාර්තා කිරීමෙන් අනතුරුව ලබා දෙන තීරණ අනුව ඉදිරි පියවර ගැනීමට නියමිත බව ද මහාචාර්යවරයා සඳහන් කළා.
කැණීම් තුලින් මෙතෙක් මතුකර ගත් දෑ සම්බන්ධයෙන් නිශ්චිත තීරණයක් ගැනීමට නොහැකි තත්ත්වයක් පවතින බවයි ඔහු කියාසිටියේ.
දින 9ක පමණ කාලයක් පුරා සිදු කළ කැණීම් කටයුතු සඳහා රුපියල් ලක්ෂ 57ක පමණ මුදලක් වැයවී ඇති අතර ඉදිරියට කැණීම් සිදු කිරීමට මූල්යමය ගැටලුවක් ද පවතින බව සඳහන්.
සමූහ මිනී වළේ කැණීම්වලදී සොයාගත් දෑ පිළිබඳ විධිමත් ලේඛනගත කිරීමක් සහ මූලික පරික්ෂණයක් සිදු කිරීමට කාලය අවශ්ය බැවින් සහ මුදල් ගැටලුව ද හේතුවෙන් මෙලෙස කැණීම් කටයුතු තාවකාලිකව නතර කිරීමට සිදුවී ඇති බවයි වාර්තා වන්නේ.
