සරල කරන ලද එකතු කළ අගය මත බදු ක්රමය (SVAT) 2024. 01. 01 දින සිට අහෝසි කිරීම ඇතුලුව 2002 අංක 14 දරන එකතු කළ අගය මත බදු පනත සංශෝධනය කිරීම පිණිස නීති කෙටුම්පත් සම්පාදක විසින් සකස් කරන ලද පනත් කෙටුම්පත පාර්ලිමේන්තුවට ඉදිරිපත් කිරීමට අමාත්ය මණ්ඩලය අනුමැතිය ලබාදී තිබෙනවා.
එකතු කළ අගය මත බදු ආපසු ගෙවීමේ ශක්තිමත් ක්රමවේදයක් නොමැතිව සරල කරන ලද එකතු කළ අගය මත බදු ක්රමය ඉවත් කළ හොත් දැනට එම ක්රමය යටතේ ලියාපදිංචි වී ඇති පුද්ගලයින්ට විශේෂයෙන් අපනයනකරුවන්ට බරපතල මුදල් ප්රවාහ ගැටලුවලට මුහුණ පෑමට සිදුවිය හැකි බවට අදාළ පාර්ශවයන් විසින් නියෝජනයන් ඉදිරිපත් කර තිබෙනවා.
එබැවින් ශක්තිමත් බදු (සංශෝධන) පනත් කෙටුම්පත සම්බන්ධයෙන් වන පාර්ලිමේන්තුවේ කාරක සභා අවස්ථාවේදී සරල කරන ලද එකතු කළ අගය මත බදු ක්රමය ඉවත් කිරීමට අදාළ විධි විධාන ක්රියාත්මක වන දිනය 2025. 04. 01 ලෙස යෝජනාවක් ඉදිරිපත් කිරීම වෙනුවෙන් මුදල් අමාත්යවරයා වශයෙන් ජනාධිපතිවරයා විසිනුයි යෝජනාව අමාත්ය මණ්ඩලයට ඉදිරිපත් කර ඇත්තේ.
ඒ අනුව අමාත්ය මණ්ඩලය ඊට අනුමැතිය ලබාදී තිබෙනවා.
