වනජීවී නිලධාරීන් විසින් ප්‍රතිකාර කිරීම අරඹා ඇති රෝගී වී සිටින අග්බෝ ඇතාට සෙත් පතා සෙත් පිරිත් සජ්ඣායනයක් ඊයේ (18) සිදුකළා.
අග්බෝ ඇතා රැඳී සිටින ආරක්ෂිත වෙත වැඩමකර වූ ජාතික නාමල් උයන නිර්මාතෘ වනවාසී රාහුල හිමි හිමියන් සහ ඓතිහාසික උපුල්වෙහෙර රජමහා විහාරස්ථානයේ විහාරාධිපති රාජකීය පණ්ඩිත පූජ්‍ය ධාගම ධම්මාලංකාර හිමියන් විසින් මෙම පිරිත් සජ්ඣායනය සිදුකළ බවයි අප වාර්තාකරු සඳහන් කළේ.
මෙහිදී ඇතාට ආරක්ෂාව සපයමින් වනය තුළ රැඳී සිටින වනජීවී නිලධාරීන්ට සහ ඇතාට ප්‍රතිකාර කරනු ලබන වෛද්‍යවරුන්ට මෙන්ම මෙම මෙහෙයුම වාර්තා වාර්තාකරණයේ දී සිටින මාධ්‍යවේදීන්ට ද ආශීර්වාද කිරීමට ද උන් වහන්සේලා මෙහිදී කටයුතු කළා.
සෙත් පිරිත් සජ්ඣායනයෙන් පසු ඇතාට පිරිත් පැන් ලබාදීමට ද වනජීවී නිලධාරීන් කටයුතු කළ අතර, අනතුරුව සත්වයාට ආහාර පාන ලබාදීම ද සිදුකරනු ලැබුවා.
පිරිත් සජ්ඣායනාව සිදුකරනු ලබන අවස්ථාවේ දී අග්බෝ ඇතා තම හොඩයෙන් පිරිත් නූල රැගෙන තම අසාධ්‍ය කකුලේ රඳවා ගන්නා ආකාරය ද දැකගත හැකි වුණා.
