ලොව විශාලතම වීඩියෝ නිරීක්ෂණ සමාගම ලෙසින් හඳුන්වන Hikvision ලෝකයේ භාවිතයට ගැනෙන සෑම නිරීක්ෂණ කැමරා පහකින් එකකට වඩා නිෂ්පාදනය කරන බවට සැලකෙනවා.
එහෙත් ඒ සම්බන්ධයෙන් පවතින ගැටලුවක් වන්නේ Hikvision පාලනය කරනු ලබන්නේ චීන කොමියුනිස්ට් රජය විසින් වීම බවට මත පළ වනවා.
ඒ, බව නිශ්චිතව තහවුරු නොකෙරුන ද එහි පාලන කොටස අයිති වන්නේ රාජ්ය මන්ත්රණ සභාවේ වත්කම් අධීක්ෂණ සහ පරිපාලන කොමිෂන් සභාව විසින් පාලනය කරන චයිනා ඉලෙක්ට්රොනික්ස් ටෙක්නොලොජි ගෲප් කෝපරේෂන් වෙතයි.
එය චීන කොමියුනිස්ට් දේශපාලන මණ්ඩලයේ සෘජු අධීක්ෂණය යටතේ පවතින ආයතනයක්.
චීනයේ නිෂ්පාදිත තාක්ෂණික උපාංගවලින් ලබාගන්නා දත්ත චීනයෙන් අවසන් වූ අවස්ථා ලොව පුරා ඕනෑ තරම් තිබීම හේතුවෙන් Hikvision surveillance cameras ගැනද සැක මතු කිරීමට හේතුවක් වී තිබෙනවා.
කෙසේ වෙතත්, Hikvision වඩාත් නිශ්චිතව එල්ලවන චෝදනාවක් තිබෙනවා.
එනම් චීන මහජන ආරක්ෂක අංශ, හමුදාව සහ ඔත්තු සේවා සපයන්නන් වෙත මුහුණු හඳුනාගැනීමේ කාර්යයන් සහිත නිරීක්ෂණ කැමරා පිරිනැමීමයි.
එමගින් විශේෂයෙන් හඳුනාගැනීමට සහය වී ඇත්තේ පැහැදිලිවම උයිගර් හෝ වෙනත් වාර්ගික සුළුතරයක සාමාජිකයන්.
එබැවින් බොහෝ අය එය හැඳින්වූයේ “ජාතිවාදී” මෘදුකාංගයක් ලෙසයි.
නිව් යෝර්ක් ටයිම්ස් 2019 දී මේ සම්බන්ධයෙන් ජාත්යන්තරව ප්රසිද්ධියට පත් කිරීමෙන් පසු එහි ප්රතිඵලයක් ලෙස Hikvision හි විකුණුම් සීමිත වුණා.
බොහෝ අවස්ථාවල දී රාජ්ය ආයතනවලට එහි කැමරා මිලදී ගැනීම තහනම් කරන ලද්දේද එහි ප්රතිඵලයක් ලෙසයි.
එක්සත් ජනපදය 2022 දී එම සමාගමේ නිෂ්පාදන සම්පූර්ණයෙන්ම තහනම් කරන ලද අතර, ඕස්ට්රේලියාව, එක්සත් රාජධානිය සහ තවත් රටවල් කිහිපයක් සිය රාජ්ය ආයතනවලට එහි කැමරා මිලදී ගැනීම තහනම් කළා.
සම්බාධකවලින් දැඩි ලෙස පීඩාවට පත් වූ හික්විෂන් 2022 වසරේදී ප්රකාශ කළේ උයිගර්වරුන් හඳුනාගැනීමේ මෘදුකාංග නිෂ්පාදනය නතර කර ඇති බවයි.
අවාසනාවකට එය බොරුවක් බව හෙළි වී තිබුණේ වීඩියෝ නිරීක්ෂණ තාක්ෂණය පිළිබඳ පුද්ගලික නමුත් ඉහළ බලතල සහිත පර්යේෂණ කණ්ඩායමක් වන Internet Protocol Video Marketට ස්තූතිවන්ත වන්නටයි.
“ජාතිවාදී මෘදුකාංගය” තම පද්ධතිවලින් ඉවත් කර ඇති බවට Hikvision බටහිර මාධ්යයට පවසන අතරම චීනය සමඟ නව ගිවිසුම් සාකච්ඡා කරමින් ඔවුන් කාර්යබහුල වූ බවට සාක්ෂි සමගින් ඔවුන්ට සොයා ගැනීමට හැකි වී තිබෙනවා.
ඒ, ජනවාර්ගික සුළුතරය හඳුනාගැනීම සඳහා – නොදන්නා, සුළුතර නොවන, උයිගර් – යන ප්රශ්නයට පිළිතුරු සපයන මුහුණු හඳුනාගැනීමේ මෘදුකාංගයක් ඔවුන් චීන බලධාරීන්ට විකුණා ඇති බවටයි.
එම ගිවිසුමට අත්සන් කර ඇත්තේ 2022 දෙසැම්බර් මාසයේදී බවට ද ඔවුන් තොරතුරු හෙළි කරගෙන තිබෙනවා.
2023 මැයි මාසයේදී, “බිටර් වින්ටර්” විසින් තවත් IPVM වාර්තාවක් සමාලෝචනය කරන ලද අතර, Hikvision සමාගමට අමතරව අලිබබා විසින් ද උයිගුර්වරුන් ඉලක්ක කර ගනිමින් “ජාතිවාදී මෘදුකාංග” නිෂ්පාදනය කරන බව පෙන්නුම් කර තිබෙනවා.
