අධ්‍යයන පොදු සහතික පත්‍ර සාමාන්‍ය පෙළ විභාගය දිවයින පුරා පිහිටි විභාග මධ්‍යස්ථාන 3,568 කදී අද (29) පෙරවරුවේ ආරම්භ වුණා.
මෙවර සාමාන්‍ය පෙළ විභාගය වෙනුවෙන් ජාතික බෝවන රෝග විද්‍යායතනයේ ද විභාග මධ්‍යස්ථානයක් පිහිටුවා ඇති බව වාර්තා වනවා.
සාමාන්‍ය පෙළ විභාගය සඳහා මුහුණ දෙන, ඩෙංගු රෝගය වැළඳුණු සිසුන් 18 දෙනෙකු එහි ප්‍රතිකාර ලැබීමත් සමඟයි මෙම විශේෂිත විභාග මධ්‍යස්ථානය පිහිටුවා ඇත්තේ.
ජාතික බෝවන රෝග විද්‍යායතනයේ අධ්‍යක්ෂ වෛද්‍ය දිනේෂ් කොග්ගලගේ සඳහන් කළේ මෙම විභාග අපේක්ෂකයින් සඳහා අවශ්‍ය ප්‍රතිකාර සහ පහසුකම් සැලසීමට මේ වනවිට කටයුතු යොදා ඇති බවයි.
එමෙන්ම ජාතික බෝවන රෝග විද්‍යායතනය තුළ මේ වනවිට ඩෙංගු රෝගීන් 96 දෙනෙකු ප්‍රතිකාර ලබන බවත් ඔහු සඳහන් කළා.
