2023 ජාත්යන්තර කෞතුකාගාර ප්රදර්ශනය ඉන්දීය අග්රාමාත්ය නරේන්ද්ර මෝදිගේ ප්රධානත්වයෙන් නවදිල්ලි නුවරදී ආරම්භ වනවා.
නවදිල්ලි නුවර ප්රගති මයිඩාන්හිදී මෙම සැමරුම පැවැත්වෙන්නේ 47 වැනි ජාත්යන්තර කෞතුකාගාර දිනයට සමගාමීවයි. එය ‘Azadi ka Amrit Mahotsav’ හි කොටසක් ලෙස සංවිධාන කර තිබීම ද විශේෂත්වයක්.
මෙම වසරේ ජාත්යන්තර කෞතුකාගාර දිනයේ තේමාව වන්නේ “කෞතුකාගාර, තිරසාරභාවය සහ යහපැවැත්ම” යන්නයි.
ප්රදර්ශනය සැලසුම් කර ඇත්තේ ඉන්දියාවේ සංස්කෘතික රාජ්ය තාන්ත්රිකත්වයේ ප්රධාන කාර්යභාරයක් ඉටු කරන සංස්කෘතික මධ්යස්ථාන පරිණාමය වීම සඳහා වෘත්තිකයන් සමඟ කෞතුකාගාර පිළිබඳ පරිපූර්ණ සංවාදයක් ආරම්භ කිරීමට බව සංවිධායකයින් පවසනවා.
අගමැති නරේන්ද්ර මෝදිගේ ප්රධානත්වයෙන් දිල්ලියේ තුන්දින ජාත්යන්තර කෞතුකාගාර ප්රදර්ශනය ආරම්භවීමෙන් පසු මෝදි එම කෞතුකාගාරයේ උතුරු හා දකුණු කලාපවල සංචාරය කිරීමට ද නියමිතයි.
ඉන්දියාවේ අතීතයට සම්බන්ධ ඓතිහාසික සිදුවීම්, පෞරුෂයන්, අදහස් සහ ජයග්රහණ ඉස්මතු කිරීමට මෙම කෞතුකාගාරය මගින් පුළුල් උත්සාහයක් ගෙන තිබෙනවා. සමාරම්භක අවස්ථාවට සමගාමීව මෝදි විසින් ජාත්යන්තර කෞතුකාගාර ප්රදර්ශනයේ සංකේතය, “කෞතුකාගාරයේ දවසක්” යන ග්රැෆික් නවකතාව, ඉන්දියානු කෞතුකාගාර නාමාවලිය සහ කෞතුකාගාර කාඩ්පත් ද එළිදක්වනු ඇති බවයි වාර්තා වන්නේ.
ජාත්යන්තර කෞතුකාගාර ප්රදර්ශනයේ සුරතලා ලෙස මෙවර සකස් කර ඇත්තේ චෙන්නපට්නම් කලා ශෛලියේ ලීවලින් සාදන ලද නර්තන දැරියගේ සමකාලීන පිටපතක්. ග්රැෆික් නවකතාවෙන් දැක්වෙන්නේ ජාතික කෞතුකාගාරය නැරඹීමට යන ළමුන් පිරිසක් එහිදී කෞතුකාගාරයේ ඇති විවිධ වෘත්තීය පුවත් අවස්ථා පිළිබඳව ඉගෙන ගන්නා ආකාරයයි.
කෞතුකාගාර කාඩ්පත් යනු රට පුරා ඇති සංකේතාත්මක කෞතුකාගාරවල නිදර්ශන මුහුණුවර සහිත කාඩ්පත් 75 ක කට්ටලයක් වන අතර, සියලු වයස්වල පුද්ගලයින්ට කෞතුකාගාර හඳුන්වාදීමේ නව්ය ක්රමයක් වන අතර සෑම කාඩ්පතකම කෞතුකාගාර පිළිබඳ කෙටි තොරතුරු අඩංගු වනවා.
