ව්යාජ මුදල් නෝට්ටු මුද්රණ යන්ත්රයක් සමඟ තරුණයෙකු ඊයේ (09) අත්අඩංගුවට ගත් බව යාපනය පොලිසිය පවසයි.
පොලිසිය පැවසූවේ දිසා අපරාධ විමර්ශන ඒකකය විසින් සිදුකළ වැටලීමකදී රුපියල් ලක්ෂ 13 ක් පමණ වටිනාකමින් යුතු ව්යාජ මුදල් නෝට්ටු මුද්රණ යන්ත්රය සන්තකයේ තබාගෙන සිටි තරුණයෙකු එලෙස අත්අඩංගුවට ගත් බවයි.
යාපනය රෝහල් විදීය ප්රදේශයේ කාන්තා නේවාසිකාගාරයක සඟවා තිබු අදාළ මුද්රණ යන්ත්රය වෙනත් ස්ථානයකට රැගෙන යාමට සුදානම් වු අවස්ථාවේ සැකකරු අත්අඩංගුවට ගෙන තිබෙනවා.
පසුගියදා පලෙයි ප්රදේශයේදී ව්යාජ මුදල් නොට්ටු සමඟ අත්අඩංගුවට ගත් පුද්ගලයාගේ ඥාතියෙකුයි එලෙස අත්අඩංගුවට ගෙන තිබුනේ.
පලෙයි ප්රදේශයේදී ව්යාජ මුදල් නෝට්ටු සමඟ අත්අඩංගුවට ගත් තරුණයා යාපනය විශ්ව විද්යාලයේ අධ්යාපනය ලබන තරුණයෙකු වන බවද පසුව අනාවරණය කර ගෙන තිබෙනවා.
අත්අඩංගුවට ගත් සැකකරු යාපනය මහේස්ත්රාත් අධිකරණයට ඉදිරිපත් කිරීමේදී එළැඹෙන 23 වැනිදා දක්වා රක්ෂිත බන්ධනාගාරගත කරන ලෙසට අධිකරණය නියෝග කළ බවද පොලිසිය පැවසුවා.
සිද්ධිය සම්බන්ධයෙන් යාපනය පොලිසිය වැඩිදුර පරීක්ෂණ සිදු කරයි.
