ජනාධිපති රනිල් වික්රමසිංහ මහතා මේ වන විට ලන්ඩනයේ පැවැත්වෙන පොදුරාජ්ය මණ්ඩලීය රාජ්ය නායක හමුවට සහභාගී වී සිටිනවා.
ජනාධිපති මාධ්ය අංශය පැවසුවේ, පොදු රාජ්ය මණ්ඩලීය ලේකම් කාර්යාලයේදී මෙම හමුව පැවැත්වෙන බවයි.
ජනාධිපති රනිල් වික්රමසිංහ ඊයේ (04) බ්රිතාන්යය බලා පිටත්ව ගියේ තුන්වන චාල්ස් රජුගේ රාජාභිෂේක උත්සවයට සහභාගී වීම වෙනුවෙන්.
රාජාභිෂේක උත්සවය පෙරවරු 11ට වෙස්ට්මිනිස්ටර් ඇබේ හිදී පැවැත්වීමට නියමිතයි.
මේ අතර, ජනාධිපති රනිල් වික්රමසිංහ මහතා ලන්ඩනයේදී රුවන්ඩා ජනාධිපති පෝල් කගමේ (Paul Kagame) මහතා හමුවී තිබෙනවා.
ජනාධිපති මාධ්ය අංශය පැවසුවේ දෙරට අතර කෘෂිකර්මාන්තය සහ සෞඛ්ය සේවා සම්බන්ධයෙන් සහයෝගීතාවයේ විභව ක්ෂේත්ර පිළිබඳව දෙපාර්ශවය සාකච්ඡා කළ බවයි.
මෙම හමුවේදී නායකයින් දෙදෙනාම අදාළ අමාත්යවරුන්ගේ සංචාර සිදු කිරීමට යෝජනා කළ අතර හමුදා සහයෝගීතාව පිළිබඳව සාකච්ඡා කළ බව සඳහන්.
ස්වභාවික විපත්වලට කඩිනම් ප්රතිචාර දැක්වීම සඳහා රුවන්ඩා ජාතිකයන් පුහුණු කිරීමට ද ජනාධිපති වික්රමසිංහ මහතා ඉදිරිපත් වී තිබෙනවා.
