අයි.සී.සී. ටෙස්ට් ලෝක ශූරතා අවසන් මහා තරගය සඳහා එක්වන ඉන්දීය සංචිතය මේ වනවිට නම්කර තිබෙනවා.
ක්රීඩකයින් 15 දෙනෙකුගෙන් යුත් මෙම සංචිතය සඳහා වසරකට වැඩි කාලයකට පසු මැදපෙළ පිතිකරු අජින්ක්යා රහනේ කැඳවා ඇති බවයි වාර්තා වුණේ.
ශ්රෙයාස් අයියර්ට පිටකොන්දේ ඇති වූ ආබාධයක් හේතුවෙන් ටෙස්ට් ලෝක ශූරතා අවසන් මහා තරගය අහිමිව යන අතර, ඔහු වෙනුවටයි රහානේගේ මෙම සංචිතය කැඳවා ඇත්තේ.
ඊට අමතරව මේ දිනවල පැවැත්වෙන අයි.පී.එල් තරගාවලියේ දී දක්වන දක්ෂතා ද රහානේගේ මෙම කැඳවීමට හේතු වී තිබෙනවා.
මේ අතර ඉන්දීය සුපිරි පිතිකරු සූර්යකුමාර් යාදෙව්ට මෙම සංචිතයේ ඉඩක් හිමිව නොමැතිවීම ද විශේෂත්වයක්.
දඟපන්දු යවන්නන් වන රවිචන්ද්රන් අශ්වින්, රවීන්ද්ර ජඩේජා සහ අක්සාර් පටෙල් සංචිතයට ඇතුළත්ව ඇති අතර ෂර්දුල් තාකූර්, මොහොමඩ් ෂාමි, මොහොමඩ් සිරාජ්, උමේෂ් යාදව් මෙම සංචිතයට ඇතුළත් වේග පන්දු යවන්නන්.
ලෝක ටෙස්ට් ශූරතාව සඳහා වන අවසන් මහා තරගය ඉන්දියාව සහ ඕස්ට්රේලියාව සමඟ එළෙඹෙන ජූනි 7 වැනිදා ලන්ඩනයේ ඕවල් ක්රීඩාංගණයේදී ආරම්භ වීමට නියමිතයි.
ටෙස්ට් ශූරතා අවසන් මහා තරගය සඳහා එක්වන ඕස්ට්රේලියනු සංචිතය මීට පෙර නම් කරනු ලැබුවා.
ඉන්දීය සංචිතය පහතින්.
රෝහිත් ශර්මා (නායක), ශුබ්මන් ගිල්, චෙටේෂ්වර් පුජාරා, විරාට් කෝලි, අජින්ක්යා රහනේ, කේ.එල් රාහුල්, කේ.එස් භාරත් , රවිචන්ද්රන් අශ්වින්, රවීන්ද්ර ජඩේජා, අක්සාර් පටෙල්, ෂර්දුල් තාකූර්, මොහොමඩ් ෂාමි, මොහොමඩ් සිරාජ්, උමේෂ් යාදව්, ජේදේව් උන්ඩ්කට්
