ශ්‍රී ලංකා කණ්ඩායම සහ සංචාරක අයර්ලන්ත කණ්ඩායම සමඟ පැවැත්වෙන දෙවන ටෙස්ට් ක්‍රිකට් තරගයේ දෙවන දිනය අදයි.
ගාලු ජාත්‍යන්තර ක්‍රිකට් ක්‍රීඩාංගණයේ කාසිය වාසිය හිමිකරගත් අයර්ලන්ත පළමුව පන්දුවට පහරදීමට ඊයේ තීරණය කළා.
ඒ, අනුව තරගයේ පළමු දිනය අවසන් වනවිට සංචාරක අයර්ලන්තය ප්‍රබල තැනක පසුවුණා.
පළමු දිනය අවසන් වනවිට අයර්ලන්ත ලකුණු පුවරුව දැක්වුණේ කඩුලු 04ක් දැවී ලකුණු 319ක් ලෙසටයි.
අයර්ලන්ත නායක ඇන්ඩි බල්බර්නි සිය දෙවන ටෙස්ට් අර්ධ ශතකය වර්තා කරමින් ලකුණු 95ක් රැස් කළා.
ලකුණු 74ක් ලබා සිටිය දී පාදයේ ආබාධයකට ලක්වීම හේතුවෙන් පෝල් ස්ටර්ලින්ට පිටියෙන් ඉවත්වීමට සිදු වූ අතර, තරගයේ පළමු දිනය අවසන් වනවිට කර්ටිස් කැම්පර් ලකුණු 27ක් සහ ලෝර්කන් ටකර් ලකුණු 78ක් රැස්කරගෙන නොදැවී කඩුල්ලේ රැඳී සිටියා.
පන්දු යැවීමේදී අසිත ප්‍රනාන්දු සහ රමේෂ් මෙන්ඩිස් අයර්ලන්ත පළමු ඉනිමේ එක් කඩුල්ල බැගින් දවාගෙන සිටි අතර, දඟ පන්දු යවන ක්‍රීඩක ප්‍රභාත් ජයසූරිය කඩුලු 02ක් දවාගත්තා.
