ශ්රී ලංකා කණ්ඩායම සහ සත්කාර නවසීලන්ත අතර පැවැත්වෙන විස්සයි විස්ස තරගාවලියේ පළමු තරගයේ කාසිය වාසිය හිමිකර ගැනීමට නවසීලන්ත නායකයා සමත් වුණා.
ඒ, අනුව ඔහු තීරණය කළේ පළමුව පන්දු යැවීමටයි.
මෙම තරගාවලියේ දී නවසීලන්තය මෙහෙයවීමේ වගකීම ටොම් ලේතම්ට හිමිව ඇති අතර,නවසීලන්ත විස්සයි විස්ස පිළේ නිත්ය නායක ටිම් සවුති ඉන්දීය ප්රිමියර් ලීග් තරගාවලියට සහභාගී වී සිටීම ඊට හේතුව වී තිබෙනවා.
නවසීලන්තයේ ඕක්ලන්ඩ් හී ඊඩ්න් පාර්ක් ක්රීඩාංගණයේදී දී මෙම තරගය පැවැත්වෙන අතර නවසීලන්තය අවසන් වරට සහභාගී වූ විස්සයි විස්ස තරග පහෙන් ජයගෙන ඇත්තේ එක් තරගයක් පමණයි.
ශ්රී ලංකාව අවසන් වරට සහභාගී වූ විස්සයි විස්ස තරග පහෙන් තරග දෙකක් ජයග්රහණය කර තරග තුනක් පරාජය වී තිබෙනවා.
මේ අතර නවසීලන්තය සහ ශ්රී ලංකාව අවසන් වරට විස්සයි විස්ස තරගයක දී මුණගැසුනේ 2022 වසරේ ඔක්තෝබර් මාසයේදීයි.
විස්සයි විස්ස ලෝක කුසලාන තරගාවලියේ දී දෙපිළ මෙලෙස මුණගැසුනු අතර, එම තරගයෙන් ලකුණු 65ක ජයක් නවසීලන්ත සතු වුණා.
ශ්රී ලංකා කණ්ඩායමක් විස්සයි විස්ස තරගයක දී නවසීලන්ත පරාජයකර ඇත්තේ 2019 වසරේ සැප්තැම්බර් මාසයේදීයි.
