ඊයේ රාත්රී පොළොන්නරුව ප්රදේශයේ පැවති සංගීත සංදර්ශනයක් අතරමග නතර කිරීම හේතුවෙන් උණුසුම් තත්ත්වයක් මතුව තිබෙනවා.
සංවිධායක මණ්ඩලය විසින් ජනප්රිය ගායක ගායිකාවන් රැසක් සහභාගී වන බවට පූර්ව ප්රචාරක දැන්වීම් පළ කර තිබුණ ද ඔවුන් කිසිවෙකුත් නොපැමිණීම හේතුවෙන් මෙම තත්ත්වය මතුවී ඇති බවයි අප වාර්තාකරුවන් සඳහන් කළේ.
ප්රසංග භූමියට ඇතුලු වීම වෙනුවෙන් රුපියල් 1500ක ටිකට් පතක් ද අලෙවි කර ඇති අතර ප්රධාන රූපවාහිනී නාලිකාවක් සිදු කරන ආකාරයෙන් ප්රසංග වේදිකාව ද සකස් කර තිබූ බව සඳහන්.
රාත්රී 8ට පමණ සංගීත කණ්ඩායම පැමිණ මුල් ගීත කිහිපය ගායනා කිරීමෙන් අනතුරුව ප්රකාශ කර තිබූ ප්රධාන කලාකරුවන් නොපැමිණීම මත ප්රේක්ෂකයන් අතර උණුසුම් තත්ත්වයක් මතුවී තිබෙනවා.
පසුව ප්රසංගය නැරඹීමට පැමිණ සිටි පිරිසක් වේදිකාව මතට නැගී ගීත ගායනා කිරීමට උත්සාහ කර ඇති අතර පසුබිම් සංගීතය නොමැති වීම හේතුවෙන් තත්ත්වය කලහකාරී වී ඇති බවයි වාර්තා වූයේ.
නිවේදකයා විසින් පවතින තත්වය පැහැදිළි කළ අතර ඔහු සඳහන් කළේ සංගීත කණ්ඩායමට වේදිකාව සහ ශබ්ද උපකරණ ඇතුලු කිසිවකට මුදල් නොගෙවා සංවිධායකයන් ප්රදේශයෙන් පිටත්ව ගොස් ඇති බවයි.
මෙම සිදුවීම ප්රසංගය නැරඹීමට පැමිණි අයෙකු විසින් ජංගම දුරකතනයෙන් පටිගත කර තිබුණා.
