කොළඹ නගරයේ ඔක්සිජන් ප්‍රමාණය අඩු වෙයි

කොළඹ නගරයේ වායු දූෂණය ඉහළ යාම හේතුවෙන් ඔක්සිජන් ප්‍රතිශතය ජනගහණයට සාපේක්ෂව ක්‍රම ක්‍රමයෙන් පහළ යමින් ඇති බව සිදුකරන ලද සමීක්ෂණයකින් තහවුරු වී ඇත.

නමුත් මෙම තත්වය ජනතාවට ගැටළුවක් ලෙස නොදැනෙන්නේ මුහුද ආසන්න නගරයක් වන කොළඹ නගරයට සාගරයෙන් නිකුත් කරන ඔක්සිජන් ගොඩබිමට පැමිණීම හේතුවෙනි. මේ නිසාම කොළඹ මහ නගර සභාව සහ පරිසර අමාත්‍යාංශය ඒකාබද්ධව තීරණය කර ඇත්තේ නගරයේ ඔක්සිජන් ප්‍රතිශතය දිනපතාම ගණනය කිරීමේ වැඩසටහනක් ආරම්භ කිරීමටයි. කොළඹ නගරයේ රුක් රෝපණ වැඩසටහන් ක්‍රියාත්මක කිරීමට ද තීරණය කර ඇති අතර එමගින් නගරයේ ඔක්සිජන් ප්‍රතිශතය වැඩිකර ගැනිම අරමුණයි.