කොමර්ෂල් බැංකුවේ අද විදේශ විනිමය අනුපාත අගයන් දැක්වුණේ අමෙරිකානු ඩොලරයේ ගැනුම් මිල රු. 320.70ක් හා විකුණුම් මිල රු. 336.00ක් ලෙසයි.
එම බැංකුවේ ඊයේ දිනයේ දී අමෙරිකානු ඩොලරයක ගැනුම් මිල රු.308.72ක් ලෙස සටහන්ව තිබෙන අතර එහි විකිණුම් අගය රුපියල් 328ක් ලෙස සටහන්ව තිබුණා.
හැටන් නැෂනල් බැංකුවේ අද දිනයේදී අමෙරිකානු ඩොලරයේ ගැනුම් මිල රු. 320ක් ලෙසත් විකුණුම් මිල රු. 335.00ක් ලෙසත් සටහන් වූ අතර එය ඊයේ දිනයේදී දැක්වුණේ අමෙරිකානු ඩොලරයක ගැනුම් මිල රු.312ක් ලෙස හා විකිණුම් මිල රු. 327ක් ලෙසයි.
අද දිනයේදී සෙලාන් බැංකුවේ අමෙරිකානු ඩොලරයේ ගැනුම් මිල රු.316ක් ලෙස හා විකිණුම් මිල රු. 337ක් ලෙස සටහන් ව තිබෙනවා.
ඊයේ දිනයේදී එය දැක්වුණේ ඩොලරයේ ගැනුම් මිල රු.307ක් හා විකිණුම් මිල රු.329ක් ලෙසයි.
සම්පත් බැංකුවේ අමෙරිකානු ඩොලරයේ ගැනුම් මිල අද රු.320ක් ලෙසත් විකිණුම් මිල රු.335ක් ලෙස සටහන් වුනා.
ඊයේ දිනයේදී එම බැංකුවේ අමෙරිකානු ඩොලරයේ ගැනුම් මිල රු.310ක් ලෙසත් විකිණුම් මිල රු. 325ක් ලෙස සටහන් වුණා.
මහජන බැංකුවේ අද දිනයේදී අමෙරිකානු ඩොලරයේ ගැනුම් මිල රු.320.41ක් ලෙසත් විකුණුම් මිල රු. 339.17ක් ලෙස සටහන් වූ අතර ඊයේ දිනයේදී එම බැංකුවේ ඇමෙරිකානු ඩොලරයේ ගැනුම් මිල රු.305.05ක් හා විකිණුම් මිල රු. 331.47ක් ලෙස සටහන් වුණා.
