ජංගම දුරකථනයට ආ ඇමතුමකට පිළිතුරු දෙමින් මාර්ගයේ ගමන් ගත් තරුණයෙකුට පහර දී ඔහුගේ කන් පෙත්ත කපා දැමූ සිදුවීමක් මඩොල්සිම, කුරුවිගොල්ල ප්රදේශයෙන් වාර්තා වනවා.
මෙම තරුණයා පෙරේදා (09) රාත්රියේ දුරකථන ඇමතුමකට පිළිතුරු දෙමින් මාර්ගයේ ගමන් කරමින් සිටිය දී ඉදිරියෙන් පැමිණි පුද්ගලයෙකු විසින් ඔහුට පහර දී වම කනේ කන් පෙත්ත කපා දමා ඇති බවයි තොරතුරු වාර්තා වුණේ.
එහිදී බරපතළ තුවාල ලැබූ 29 හැවිරිදි මෙම තරුණයා මැටිගහතැන්න දිසා රෝහල වෙත ඇතුළත් කිරීමටයි කටයුතු කර ඇත්තේ.
දුරකථනය කනේ තබාගෙන යෑමට විරෝධය පළ කරමින් අදාළ පුද්ගලයා විසින් මෙම තරුණයට පහර දී ජංගම දුරකථනය තිබූ කන්පෙත්ත පිහියකින් මෙලෙස කපා දමා ඇති බවයි වාර්තා වුණේ.
සිද්ධිය සම්බන්ධයෙන් තුවාල ලැබූ තරුණයාගේ මව විසින් මඩොල්සිම පොලිසියට පැමිණිල්ලක් සිදුකර ඇති අතර, පසුව සැකකරු අත්අඩංගුවට ගැනීමට විමර්ශනආරම්භ කර තිබූ බව සඳහන්.
