ඕස්ට්‍රේලියාවේ උතුරු ප්‍රදේශයේ ගංවතුර ඔස්සේ පැමිණි තරුණයෙකුට කිඹුලෙකු පහරදී තිබෙනවා.
බලධාරීන් පැවසුවේ 17 හැවිරිදි පිරිමි ළමයාගේ කකුලේ සුළු තුවාලයක් ඇති අතර ඔහු ප්‍රාදේශීය සායනයකින් ප්‍රතිකාර ලබා ඇති බවයි.
අධික වර්ෂාවෙන් පසු කිඹුලන් ගංවතුර ඔස්සේ පැමිණිය හැකි බැවින් ජනතාව අවධානයෙන් පසුවිය යුතු බව පළාත් පාලන අමාත්‍ය බලධාරීන් ප්‍රකාශ කර තිබෙනවා.
වික්ටෝරියා ගඟෙහි ඉවුරු කැඩී යාම හේතුවෙන් වෛද්‍ය අවශ්‍යතා ඇති 35 දෙනෙකු ඇතුළුව පුද්ගලයින් 700ක් පමණ ආරක්‍ෂිත ස්ථාන වෙත යොමු කර තිබෙනවා.
ඉවත් කරන ලද පුද්ගලයින් කොවිඩ් නිරෝධායන මධ්‍යස්ථානයක නවාතැන් ගෙන ඇති අතර ළමයින්ට ප්‍රාදේශීය පාසල්වලට යාමට හැකි වනු ඇති බවයි නිලධාරීන් සඳහන් කළේ.
ඉහළ වික්ටෝරියා ගඟ ප්‍රධාන ගංවතුර මට්ටමට ළඟා වීමත් සමඟ මෙම සතිය ප්‍රදේශ හතරක් සඳහා හදිසි අවස්ථාවක් ලෙසට ද ප්‍රකාශයට පත් කර තිබෙනවා.
