පක්ෂ පෙරලිමත් සමග රටේ සංවර්ධන කටයුතු ද යම් යම් ආකාරයට වෙනස් කම් ඇතිවනවා.එසේ පසුගිය රජය සමයේ අත්හැර දමා තිබූ නාගරික සංවර්ධන ව්‍යාපෘති කිහිපයක් නැවත ආරම්භ කිරිමට අග්‍රාමාත්‍ය මහින්ද රාජපක්ෂ මහතා උපදෙස් ලබා දි තිබෙනවා.
පසුගිය වසර පහක කාලය තුළ දී සංවර්ධන ව්‍යාපෘති රැසක් අතරමග නවතා දමා ඇති බව නිලධාරින් පිරිසක් අග්‍රාමාත්‍යවරයා දැනුවත් කර තිබේ. එහිදි ක්‍රියාත්මක නොවී අතහැර දමා ඇති ව්‍යාපෘති රැසක් නැවත ආරම්භ කරන ලෙස අදාළ නිලධාරින්ට නියෝග කර තිබේ. වෙරළ සංරක්ෂණ,නාගරික සංවර්ධන,අපද්‍රව්‍ය බැහැරලීම හා ප්‍රජා පවිත්‍රතා කටයුතු සම්බන්ධයෙන් ද අවධානය යොමුවි තිබේ.
අග්‍රාමාත්‍යවරයා විසින් විශේෂයෙන් මෙම ව්‍යාපෘති සඳහා නාගරික සංවර්ධන අධිකාරිය උපයන ආදායම් වලට අමතරව භාණ්ඩාගාරයෙන්ද මුදල් ප්‍රතිපාදන වෙන් කරන ලෙසටයි උපදෙස් ලබා දුන්නේ.
