දැනට රජයේ ආදායම 2023 ජනවාරි මාසය සඳහා වන මාසික වියදමට වඩා බෙහෙවින් පහළ මට්ටමක පවතින බැවින් රජයේ වියදම් තවදුරටත් සීමා කරගත යුතු බව මුදල්, ආර්ථික ස්ථායීකරණ සහ ජාතික ප්රතිපත්ති අමාත්යවරයා ලෙස ජනාධිපති රනිල් වික්රමසිංහ මහතා කැබිනට් මණ්ඩල සටහනක් තබමින් පෙන්වා දී තිබෙනවා.
රාජ්ය සේවක වැටුප්, විශ්රාම වැටුප්, සුබසාධනය, ඖෂධ සහ ණය ගෙවීම හැර අනෙකුත් සියලුම වියදම් දැරීමට මේ මොහොතේ මහා භාණ්ඩාගාරයට අපහසු වී ඇති බවයි ජනාධිපතිවරයා එමඟින් පෙන්වා දී ඇත්තේ.
එබැවින් මේ වන විටත් ක්රියාත්මක බදු සංශෝධන මගින් උපයා ගැනීමට සැලසුම් කර ඇති ආදායම ලැබෙන තෙක් රජයේ වියදම් තවදුරටත් කප්පාදු කිරීමට හෝ කල් දැමීමට සිදුවන බව ද ජනාධිපති රනිල් වික්රමසිංහ මහතා සඳහන් කරනවා.
ඒ සඳහා ප්රමුඛතා නිර්ණායකයන් මහා භාණ්ඩාගාරය විසින් සකස් කරන බවත්, එතෙක් සුළු වියදම් සඳහා වෙන් කෙරෙන මුදල් නිදහස් කිරීම සීමා කෙරෙන බවයි ජනාධිපතිවරයා වැඩිදුරටත් සඳහන් කර ඇත්තේ.
රාජ්ය ආයතන සදහා ණය පදනම මත භාණ්ඩ හා සේවා ලබා ගැනීමෙන් වැළකිය යුතු අතර, එය කඩ කරන ඕනෑම නිලධාරියෙකු එම වියදම් සඳහා පුද්ගලිකව වගකිව යුතු බවත් ජනාධිපතිවරයා අවධාරණය කර තිබෙනවා.
MEWA OKKOMA BORU KATHA. MEYA ME KARANNE 2001-2003 KALAYE KALA DEMAYI. RAJYA ANSHAYA HAKULANNA. EKATA NAM KAMAK NAHE, OKE INNA UNGEN 60%-70% NIKAMMU INNE. KISIMA WEDAK GANNETH NAHE, DUNNATH UN WEDA KARANNETH NAHE. MEKE ANITH EKA HAMAYI MEKA KAGEDHA KATHTHATIYA WAGEYI ONA ONA PATHTHATA HARAWANNA WANANNA HAKI DEYAK. MEKA HANDA OKKOTAMA WAGEMA MUNTA KARANNA KEMATHI NETHI DEYATATH YODHA GANNA HAKIYI.