ශ්‍රී ලංකා යුධ හමුදාවේ අනුමත සෙබළුන් ප්‍රමාණය අඩු කිරීමේ සැලසුමක් ආරක්ෂක අමාත්‍යාංශය විසින් ප්‍රකාශයට පත් කර තිබෙනවා.
නිවේදනයක් නිකුත් කරමින් රාජ්‍ය අමාත්‍ය ප්‍රමිත බණ්ඩාර තෙන්නකෝන් කියා සිටියේ ශ්‍රී ලංකා යුද හමුදාවේ දැනට අනුමත සේවක සංඛ්‍යාව 200,783ක් වුවද එය 2024 වන විට 135,000 දක්වා අඩු කරන බවයි.
2030 වසර වන විට ශ්‍රී ලංකා යුද හමුදාවේ ප්‍රමාණය 100,000 දක්වා අඩු කිරීමට සැලසුම් කර ඇති බව ද රාජ්‍ය අමාත්‍යවරයා ප්‍රකාශ කළා.
මෙම උපායමාර්ගික සැලැස්මේ සමස්ත අරමුණ වන්නේ 2030 වසර වන විට තාක්ෂණිකව හා උපායශීලීව හොඳ සහ සමතුලිත ආරක්ෂක හමුදාවක් බිහිකිරීම බව ඔහු අනාවරණය කර තිබෙනවා.
ඕනෑම ආරක්ෂක අභියෝගයකට මුහුණදීම සඳහා 2030 වසර වන විට තාක්ෂණිකව සුදුසුකම් ලත් උපායශීලී සමතුලිත හමුදාවක් නිර්මාණය කිරීමට ශ්‍රී ලංකා සන්නද්ධ හමුදාවන්ගේ අරමුණ බවයි අමාත්‍යවරයා නිකුත් කළ නිවේදනයේ දැක්වෙන්නේ.
Army විතරක් යවලා හරියන්න‍ෙ නෑ සන්නද්ධ හමුදා ඔක්කොමටම එකක් වෙන්න ඔනේ Navy, Air Force අයටත් ඒ වරප්‍රසාදය දෙන්න ඔනේ…..