මාතර මුහුදු තීරයේ දිය නෑමට ගිය පාසල් සිසුන් දෙදෙනෙකු දියේ ගිලීමෙන් ජීවිතක්ෂයට පත්ව තිබෙනවා.
අප වාර්තාකරුවන් සඳහන් කළේ අද පස්වරු 3.30ට පමණ මාතර ළමා උද්යානය අසල වෙරළ තීරයේ මෙම සිසුන් දෙදෙනා දිය නෑමට ගොස් ඇති බවයි.
මෙලෙස මියගොස් ඇත්තේ මලිදුව සහ හේනගම පදිංචි 17 හැවිරිදි පිරිමි ළමුන් දෙදෙනෙක්.
ඔවුන් අකුරැස්ස මධ්ය මහා විද්යාලයේ ඉගෙනුම ලබමින් සිටි අය බව සඳහන්. මියගිය දෙදෙනාගේ මෘත ශරීර මාතර රෝහලේ මෘත ශරීරාගාරයේ තැන්පත් කර ඇති අතර මාතර පොලිසිය විමර්ශණ ආරම්භ කර තිබෙනවා.
අප වාර්තාකරුවන් සඳහන් කළේ දියේ ගිළුළු සිසුන් බේරා ගැනීමට විදේශ ජාතික තරුණියක් ඒ ආසන්නයේ සිටි වෛද්යවරයෙක් යුද හමුදා සාමාජිකයන් පොලිසිය මෙන්ම ප්රදේශවාසීන් දැඩි පරිශ්රමයක් ගත් බවයි.
උපකාරක පන්තිවලට පැමිණෙන බවට නිවෙස්වලට පවසා මියගිය සිසුන් දෙදෙනා ඇතුලු 4 දෙනෙකු දිය නෑමට පැමිණ සිටියදී මෙම අනතුරට ලක්ව තිබෙනවා.
