කැනඩාවේ බ්‍රිටිෂ් කොලොම්බියා ප්‍රාන්තයේ නගරාන්තර දුම්රියක් අනතුරට ලක්වීමෙන් පුද්ගලයින් 50කට වැඩි පිරිසක් තුවාල ලබා තිබෙනවා.
උෂ්ණත්වය -3.9C දක්වා පහත වැටුණු මෙරිට් නගරය ආසන්නයේ දී මෙම අනතුර සිදුවී ඇති බවයි විදෙස් මාධ්‍ය වාර්තා කළේ.
වික්ටෝරියා සිට සැතපුම් 160ක් පමණ දුරින් සිදුවූ මෙම අනතුරට හේතුව කුමක්දැයි මෙතක් අනාවරණ වී නැහැ.
අනතුරින් පසු 53 දෙනෙක් රෝහල් ගත කර තිබෙනවා.
අග්‍රාමාත්‍ය ඩේවිඩ් එබි පැවසුවේ මෙම බරපතළ අනතුර සම්බන්ධයෙන් තමා කම්පනයට සහ කණගාටුවට පත් වූ බවයි.
සෙනසුරාදා නිකුත් කරන ලද විශේෂ කාලගුණ ප්‍රකාශයකට අනුව අධික හිම, අයිස් කැට සහ හිම කැට වර්ෂාව හේතුවෙන් Okanagan Connector ප්‍රදේශවල ගමනාගමනය සම්බන්ධයෙන් ද අනතුරු අඟවා තිබෙනවා.
අයහපත් කාලගුණික තත්ත්වයන් යටතේ දුම්රියක් පීලි පැනීම හේතුවෙන් කැනඩාවේ විශාලතම නගර දෙක වන ටොරොන්ටෝ සහ මොන්ට්‍රියල් අතර සියලුම දුම්රිය සේවා නත්තල් දිනය ද දී ඇති අද දිනයේ අවලංගු කර ඇති බවයි විදෙස් මාධ්‍ය සඳහන් කරන්නේ.
