ශ්රී ලංකාවේ කෙටිදුර ධාවන ශූර යුපුන් අබේකොන් සහ ක්රීඩා අමාත්ය රොෂාන් රණසිංහ අතර විශේෂ හමුවක් ඊයේ (02) සිදු වුණා.
එහිදී යුපුන්ගේ ඉදිරි තරගාවලි සඳහා සූදානම්වීම, පුහුණුවීම් හා වර්තමාන තත්ත්වය පිළිබඳව සාකච්ඡා වී තිබෙනවා.
2026 වසර දක්වා ජයග්රහණ කරා යන ගමනට අමාත්යාංශයේ දායකත්වය ලබාගත හැකි ආකාරය පිළිබඳව ද මෙහිදී දීර්ඝ වශයෙන් සාකච්ඡා වී ඇති බවයි වාර්තා වුණේ.
ඒ, අනුව ඉදිරි වසර හතරක් සඳහා අමාත්යාංශයේ දායකත්වය ලබාදිය යුතු ආකාරය සඳහන් ගිවිසුමක කෙටුම්පතක් යුපුන් අබේකෝන් විසින් ක්රීඩා අමාත්යවරයා වෙත ඉදිරිපත් කර තිබෙනවා.
එම ගිවිසුම් කෙටුම්පතෙහි ඇතුළත් ඉල්ලීම් හා කරුණු පිළිබඳව වැඩිදුරටත් අධ්යනය කර මේ සම්බන්ධව කඩිනමින් පියවර ගැනීමට මෙහිදී තීරණය කළ බවයි ක්රීඩා අමාත්යවරයා පැවසුවේ.
