අපජලය ගලා බසින කාණුවකට වැටී එහි සිරවී සිටි කුරුණෑගල ප්රදේශයේ පාසල් සිසුවෙකු බේරා ගැනීමට හැකි වූ බව පොලිසිය පවසනවා.
පොලිසිය සහ යුද හමුදාව එක්ව පැය භාගයකට පමණ මෙහෙයුමකින් අදාල සිසුවා මුදවා ගැනීමට හැකිව ඇති බවයි වාර්තා වුණේ.
අපජලය බැස යන කාණුව අසල බෑගක් තිබෙන අයුරු දැක ඒ සම්බන්ධයෙන් කළ සොයා බැලීමක දී අදාල පාසල් සිසුවා එහි සිරවී ඇති බවට දැක තිබෙනවා.
පසුව බැකෝ යන්ත්රයක් අධාරයෙන් කාණුව කඩා සිසුවා ගොඩ ගෙන රෝහල් ගත කිරීමටයි කටයුතු කර ඇත්තේ.
සිසුවා මේ වන විට කුරුණෑගල රෝහලේ දැඩි සත්කාර ඒකකයේ ප්රතිකාර ලබන බවයි තොරතුරු වාර්තා වුණේ.
අද පෙරවරුවේ සිට කුරුණෑගල ප්රදේශයට ඇද හැලුණු අධික වර්ෂාපතනයත් සමඟ ප්රදේශයේ මාර්ග ජලයෙන් යටව ඇති අතර, මෙම සිසුවා පය ලිස්සා යාමෙන් එම කාණුවට වැටී ඇතැයි සැකපළ කරනවා.
Update – අපජලය ගලා බසින කාණුවක වැටී සිටී සිරවී සිටි කුරුණෑගල පාසල් සිසුවා රෝහලට ඇතුලත් කිරීමෙන් අනතුරුව ජීවිතක්ෂයට පත්ව තිබෙනවා. මෙලෙස අවාසනාවන්ත ලෙස ජීවිතක්ෂයට පත්ව ඇත්තේ මලියදේව ආදර්ශ විදුහලේ 09 ශ්රේණියේ අධ්යාපනය ලබමින් සිටි 14 හැවිරිදි සජිත් ගුණරත්න නමැති පාසල් සිසුවෙකි.
wpDiscuz
