ආසියානු ක්රිකට් තරගාවලියේ ශ්රී ලංකාවට ඉතා වැදගත් තරගයක් ඇෆ්ගනිස්තානය සහ බංග්ලාදේශය අතර තරගය අද (30 වැනිදා) රාත්රී 7.30ට සාජා ක්රිකට් ක්රීඩාංගණයේදී ආරම්භ වේ.
දෙරට අතර විස්සයි විස්ස ක්රිකට් තරග 08ක් පවත්වා ඇති අතර ඉන් ඇෆ්ගනිස්තානය තරග 05ක් සහ බංග්ලාදේශය තරග 03ක් වශයෙන් ජයගෙන තිෙබනවා.ශ්රී ලංකාව සමග පැවැති තරගයේ ක්රීඩාකළ කණ්ඩායමම අද තරගයේදී ඇෆ්ගනිස්තානය නියෝජනය කරනු ඇත. එමෙන්ම බංග්ලාදේශයේ අංක එකේ වේග පන්දු යවන්නා වන මුස්ටෆිසුර් රෙහමාන්ගේ ආබාධ තත්ත්වයද යහපත් අතට හැරී තිබෙන බැවින් අද තරගයේදී ඔහු ක්රීඩා කිරීමේ වැඩි ඉඩක් පවතී.පළමු තරගයේ ලද පරාජයත් සමගින් ශ්රී ලංකාවට ‘බී’ කාණ්ඩයෙන් සුපිරි කණ්ඩායම් හතර අතර තරගාවලියට පිවිසීමට නම් අද බංග්ලාදේශ කණ්ඩායම ඇෆ්ගනිස්තානය හමුවේ පරාජය වී මීළඟ තරගයේදී ශ්රී ලංකාව හමුවේද පරාජය විය යුතු වනවා.
යම් විදියකට අද තරගය බංග්ලාදේශය ජයගතහොත් අනිද්දා පැවැත්ෙවන බංග්ලාදේශය තරගයේදී ශ්රී ලංකාව ඉහළ ලකුණු ලබා ගැනීමේ වේගයකින් ජය ගත යුතු වනවා.
