බොලිවුඩයේ රජු ලෙස සැලකෙන ෂාරුක් ඛාන් ඊයේ (02) සිය 59 වැනි උපන්දිනය සමරනු ලැබුවා.
සෑම උපන්දිනයකම මෙන් මෙවරත් ඔහුට සුබ පැතීම සඳහා රසික රසිකාවියන් දසදහස් ගණකක් මුම්බායි හි පිහිටි ෂාරුක්ගේ නිවස වන මන්නාත් හි ඉදිරි මාර්ගයට රැස්ව සිටි බවයි ඉන්දීය මාධ්‍ය වාර්තා කළේ.
ෂාරුක්ගේ පැමිණීම අපේක්ෂාවෙන් නිවස ඉදිරි පිට මාර්ගයේ රැඳී එම පිරිස පාලනය කිරීම සඳහා මුම්බායි පොලිස් නිලධාරීන්ට දැඩි පරිශ්‍රමයක් දැරීමට සිදු වූ බව සඳහන්.
කෙසේ වෙතත් වෙනත් උපන්දිනවල මෙන් ෂාරුක් සිය රසික රසිකාවියන්ගේ සුබපැතුම් පිළිගැනීම සඳහා මන්නාත් හි බැල්කනිය වෙත නොපැමිණි බවයි තොරතුරු වාර්තා වුණේ.
ඒ, අනුව ෂාරුක්ගේ රසික රසිකාවියන් බලාපොරොත්තු සුන්ව එම ස්ථානයෙන් පිටව ගොස් තිබෙනවා.
මේ අතර පිරිස පාලනය කිරීමට දැඩි පරිශ්‍රමයක් දැරූ මුම්බායි පොලිස් නිලධාරීන්ට සංග්‍රහ කිරීමට ෂාරුක් ඛාන් කටයුතු කර තිබූ බවයි ඉන්දීය මාධ්‍ය අද වැඩිදුරටත් තොරතුරු වාර්තා කර තිබුණා.
එහිදී ෂාරුක්ගේ කණ්ඩායම විසින් පොලිස් නිලධාරීන්ට ආහාර පෙට්ටි බෙදා දී ඇති බවයි වාර්තා වුණේ.
