spot_img
AFC Banner
Empty Ad
Empty Ad

2023 දී ඖෂධ 124 ක් තත්ත්ව පරීක්ෂණ අසමත් වෙයි

2023 වසරේ මේ දක්වා ගුණාත්මක පරීක්ෂණවලින් ඖෂධ 124 ක් අසමත් වී ඇති බව සෞඛ්‍ය අමාත්‍යාංශයේ වෛද්‍ය සැපයුම් අංශය පවසයි.

වසරක් තුළ ඖෂධවල ගුණාත්මක බව අසාර්ථකවීම් ඉහළම සංඛ්‍යාවක් වාර්තා වු වසර ලෙස 2023 වාර්තා විය.

තත්ත්ව පරීක්ෂණවලින් අසමත් වූ ඖෂධවලින් 55 ක් පමණ ඉන්දියාවේ නිෂ්පාදනය කළ ඒවා වන අතර ඖෂධ 40 ක් දේශීයව නිෂ්පාදනය කළ ඒවායි. අනෙක් ඒවා චීනය, පකිස්ථානය, ජපානය සහ බංග්ලාදේශය වැනි රටවල නිෂ්පාධිත ඒවායි.

මෙම තත්ත්ව පරීක්‍ෂණවලින් අසමත් වී ඇති බවට හඳුනාගත් ඖෂධ සමහරක් ඉවත් කර ඇති අතර තවත් සමහරක් රඳවා තබා හෝ අත්හිටුවා ඇත.

මීට අමතරව, Flucloxacillin Cap කාණ්ඩ 35 ක් මැයි මාසයේදී ඉවත් කර ඇති අතර, එය කාණ්ඩ ගණන අනුව 2017 සිට මේ දක්වා ඉහළම අගය වාර්තා කරයි. මෙම ඖෂධය නිෂ්පාදනය කර ඇත්තේ රත්මලානේ පිහිටි රාජ්‍ය ඖෂධ නිෂ්පාදන නීතිගත සංස්ථාව විසිනි.

මේ අතර ඖෂධවල ගුණාත්මක ගැටලු හා 2023 දී වාර්තා වූ සංකූලතා සහ මරණ කිහිපයක් වාර්තා විය.

ඔබේ ප්‍රතිචාරය කුමක්ද ?
+1
0
+1
0
+1
1
+1
1
+1
0
+1
0
+1
0
Subscribe
Notify of
0 Comments
Inline Feedbacks
සියලු ප්‍රතිචාර බලන්න !

?