spot_img
AFC Banner
Empty Ad
Empty Ad

16 හැවිරිදි දැරියක් අබිරහස් ලෙස මියයයි

නිවිතිගල – වටාපොත ප්‍රදේශයේ අබිරහස් ලෙස මියගිය 16 හැවිරිදි දැරියකගේ මළසිරුරක් හමු ව තිබෙනවා.

පොලිස් මාධ්‍ය ප්‍රකාශක කාර්‍යාලය නිවේදනය කළේ වටාපොත ගම්මානයේ රබර් වගා ඉඩමක් අසලින් ඇති අඩි පාරක මුහුණ ප්‍රදේශයේ ලේ තැවරුණු තුවාල සහිත ව දැරියක් වැටී ඇති බවට නිවිතිගල පොලිසියට ලද තොරතුරක් මත විමර්ශන ඇරඹූ බවයි.

ඇය එම ගම්මානයේ ම පදිංචි පාසල් සිසුවියක් බවයි වාර්තා වන්නේ.

මරණකාරියගේ මව වටාපොත විහාරස්ථානය අසල වෙළෙඳසැලක් පවත්වාගෙන යන අතර; මරණය සිදු වූ දිනයේ ඇයට මවගෙන් දූරකථන ඇමතුමක් ලැබී ඇත්තේ පාසල් නොයාම හේතුවෙන් නිවසේ තනිව නොසිට වෙළෙඳසැලට පැමිණෙන ලෙසයි.

වෙළෙඳසැලට පැමිණීමට ප්‍රමාද වීම හේතුවෙන් මව වෙළෙඳසැලේ සිට නිවස දෙසට යමින් සිටියදී රබර් වගාව මැදින් ඇති අඩි පාරේ තිබී සිය දියණියගේ මියගිය සිරුර හමුව ඇත්තේ.

ඇය නිවසේ සිට වෙළෙඳසැලට ගමන් කරමින් සිටියදී රබර් වත්තේ කපා හෙලන ලද රබර් ගසක අත්තක් වැදීමෙන් මෙම මරණය සිදු වන්නට ඇති බවට පොලිසිය සැක පළ කරනවා.

සිදුවීම සම්බන්ධයෙන් වන පශ්චාත් මරාණ පරීක්ෂණය රත්නපුර රෝහලේ දී පැවැත්වීමට නියමිතයි.

ඔබේ ප්‍රතිචාරය කුමක්ද ?
+1
0
+1
0
+1
0
+1
0
+1
4
+1
0
+1
0
Subscribe
Notify of
0 Comments
Inline Feedbacks
සියලු ප්‍රතිචාර බලන්න !

?