සිංහල හා හින්දු අලුත් අවුරුදු උත්සවය නිමිත්තෙන් ලබන 13 සහ 14 යන දෙදින තුළ දිවයින පුරා පිහිටි සියලුම සුරාසැල් වසා තැබීමට තීරණය කර ඇති බව සුරාබදු දෙපාර්තමේන්තුව දැනුම් දෙනවා.
නිවේදනයක් නිකුත් කරමින් එම දෙපාර්තමේන්තුව සඳහන් කරන්නේ සංචාරක මණ්ඩලයේ අනුමැතිය ලත් තරු තුනේ හෝ ඊට ඉහළ හෝටල් බලපත්ර (ර.බී.07) හා විශේෂ බුටික් විලා බලපත්රලත් ස්ථානවල නේවාසිකව රැඳී සිටින විදේශීය සංචාරකයින් සඳහා පමණක් මත්පැන් නිකුත් කිරීමට අවසර ලබාදෙන බවයි.
කිසියම් බලපත්රලාභියෙකු මෙම නියෝගය උල්ලංඝනය කරමින් අලුත් අවුරුදු දිනවල මත්පැන් අලෙවි කළහොත්, ඔවුන්ට එරෙහිව සුරාබදු නීතිය යටතේ දැඩිව නීතිය ක්රියාත්මක කරන බවයි එම දෙපාර්තමේන්තුව පවසන්නේ.
මෙම කාල සීමාව තුළ සිදුවන සුරා අපරාධ, මත්ද්රව්ය අපරාධ හා දුම්කොළ අපරාධ සම්බන්ධ පැමිණිලි ඉදිරිපත් කිරීම සඳහා සුරාබදු දෙපාර්තමේන්තුවේ මෙහෙයුව මැදිරිය හා සම්බධික ක්ෂණික ඇමතුම් අංකය වන 1913 දුරකථනය භාවිත කරන මෙන් සුරා බදු කොමසාරිස් ජනරාල් එම්.බී.එන්.ඒ. පේමරත්න මහජනතාවගෙන් ඉල්ලා සිටිනවා.
