අස්වැසුම සුබසාධක ප්‍රතිලාභ වැඩසටහනට අයැදුම්පත් ලබාදීමට අතිරේක සහන කාලයක් ලබාදීමට තීරණය කර තිබෙනවා.
මේ අතර අස්වැසුම පළමු වටයේ ප්‍රතිලාභීන් තෝරා ගැනීමේ දී අගතියට පත් තැනැත්තන් සඳහා දුක්ගැනවිලි ඉදිරිපත්කිරීමට ද අවස්ථාව ලබාදෙන බව සුබසාධක ප්‍රතිලාභ මණ්ඩලය සඳහන් කළා.
අස්වැසුම දෙවන අදියරේ තොරතුරු එකතු කිරීමේ සංගණනය ලබන මස දෙවන සතියේ සිට ආරම්භ කිරීමට සැලසුම් කර තිබෙනවා.
ඒ, අනුව අස්වැසුම දෙවන අදියර සඳහා මෙතෙක් අයදුම් කිරීමට නොහැකි වූ පවුල් සහ පුද්ගලයින්ට අනිද්දා (25) සිට ලබන මස 02 වනදා දක්වා නියමිත අයදුම්පත්‍රය සම්පූර්ණ කර ප්‍රාදේශීය ලේකම් කාර්යාලයට භාරදීමේ හැකියාව පවතිනවා.
එමෙන්ම පළමු අදියරට අයදුම් කළ පුද්ගලයින්ට ගැටලු හෝ දුක්ගැනවිලි ඇත්නම් එය ද ඊට අදාළ අයදුම්පත්‍රය සම්පූර්ණ කර ප්‍රාදේශීය ලේකම් කාර්යලයට භාරදිය යුතු වනවා.
අනිද්දා සිට ලබන මස 15 වනදා දක්වා මේ සඳහා අවස්ථාව හිමිවන බවයි සුබ සාධක ප්‍රතිලාභ මණ්ඩලය සඳහන් කළේ.
