හිටපු ජනපති මෛත්‍රී සහ ෆොන්සේකා අතර උණුසුම් වචන හුවමාරුවක්

හිටපු ජනාධිපති මෛත්‍රීපාල සිරිසේන මහතා සහ මන්ත්‍රී ෆීල්ඩ් මාෂල් සරත් ෆොන්සේකා මහතා අතර අද පාර්ලිමේන්තුවේදී උණුසුම් වචන හුවමාරුවක් සිදුවුණා.

පාර්ලිමේන්තු මන්ත්‍රී ෆොන්සේකා මහතා අද විවාදය අතර පෙන්වා දුන්නේ 2019 පාස්කු ප්‍රහාරයෙන් විපතට පත් වූවන්ට ශ්‍රේෂ්ඨාධිකරණය නියෝග කළ පරිදි රුපියල් මිලියන 100ක වන්දියක් ගෙවීමට හිටපු ජනාධිපතිවරයා මහජනතාවගෙන් මුදල් අයකර ගැනීමේ උත්සාහයක නිරත වන බවටයි.

පිටකොටුවේ සිට කැට තබාගෙන මුදල් එකතු කරන පුද්ගලයන් රටේ ජනාධිපතිවරයා ලෙස පත් කළහොත් රටට ප්‍රශ්න රැසකට මුහුණ දීමට සිදුවන බව පාර්ලිමේන්තු මන්ත්‍රී ෆොන්සේකා වැඩිදුරටත් සඳහන් කළා.

ඊට ප්‍රතිචාර දක්වමින් හිටපු ජනාධිපති මෛත්‍රීපාල සිරිසේන කියා සිටියේ යුද හමුදා මූලස්ථානය බෝම්බ ප්‍රහාරයකින් ආරක්ෂා කර ගැනීමට නොහැකි වූ අයෙකුට තමන් සම්බන්ධයෙන් ප්‍රකාශයක් කිරීමට අයිතියක් නොමැති බවයි.

ෆොන්සේකා මහතා සිරෙන් නිදහස් කර නැවත ෆීල්ඩ් මාෂල් ධූරයට පත් කිරීමට හේතුව තමා බවයි හිටපු ජනාධිපති මෛත්‍රීපාල සිරිසේන මහතා වැඩිදුරටත් සිහිපත් කළේය.

ඔබේ ප්‍රතිචාරය කුමක්ද ?
පට්ට !
0
අවුල් වගේ !
0
හරි හිනා !
4
හම්මෝ !
0
මාර දුකයි !
0
මලපනිනව !
1
කුජීතයි !
0

සතියේ පලවූ මෙවැනිම පුවත්

spot_img
Subscribe
Notify of
0 Comments
Inline Feedbacks
සියලු ප්‍රතිචාර බලන්න !
spot_img

සතියේ ජනප්‍රියම පුවත්

අපගේ නවතම පුවත්

?