ශාෆ්ටර්ගේ මරණයේ සාක්ෂි කැඳවීම නිල මැදිරිය තුළ සිදුකිරීමට තීන්දු කළ හේතුව මහේස්ත්‍රාත්වරිය පහදයි

ව්‍යාපාරික දිනේෂ් ශාෆ්ටර් මරණයට පත්වීමේ සිද්ධියට අදාළ මහේස්ත්‍රාත් පරීක්ෂණයේ සාක්ෂි කැඳවීම තම නිල මැදිරිය තුළ සිදුකිරීමට තීන්දු කළේ ඊට සම්බන්ධ පාර්ශවකරුවන් විසින් කරනු ලැබූ ඉල්ලීමක් අනුව බව කොළඹ අතිරේක මහේස්ත්‍රාත් රජින්ද්‍රා ජයසූරිය අද (23) විවෘත අධිකරණයේ සඳහන් කළා.

අදාළ පරීක්ෂණය අද (23) කොළඹ මහේස්ත්‍රාත් අධිකරණය හමුවේ කැඳවනු ලැබූ අවස්ථාවේ දී මහේස්ත්‍රාත්වරිය මේ බව කියා සිටියා.

මෙම මරණයට අදාළව විවිධ තොරතුරු ජනමාධ්‍ය ඔස්සේ ප්‍රචාරය වී තිබෙන බැවින් මෙම මරණ පරීක්ෂණයේ සාක්ෂි විමසීම අප්‍රසිද්ධියේ සිදු කරන ලෙස මියගිය අයගේ පාර්ශවයෙන් ද ඉල්ලීමක් ලැබුණු බව මහේස්ත්‍රාත්වරිය පැවසූවා.

ඒ, නිසා මහේස්ත්‍රාත් පරීක්ෂණයේ සාක්ෂි විමසීම සිය නිල කාමරය තුළ පැවත්වීමට තීන්දු කළ බවත් ඇය මෙහිදී කියා සිටියා.

එමෙන්ම දිනේෂ් ශාෆ්ටර්ගේ මරණයට අදාළ විමර්ශන වලට සම්බන්ධ රජයේ රස පරීක්ෂක වාර්තාව ලැබී තිබෙන බවත් මහේස්ත්‍රාත්වරිය අද සඳහන් කළ අතර, මෙම මරණයට හේතුව අධිකරණය විසින් තවමත් නිගමනය කර නොමැති බවත් මහේස්ත්‍රාත්වරිය සඳහන් කළා.

ඉන් අනතුරුව මෙම මරණ පරීක්ෂණයට අදාළ සාක්ෂි විමසීම මහෙස්ත්‍රාත්වරියගේ නිල මැදිරියේ දී සිදු කෙරුණු අතර එහි දී මියගිය ශාෆ්ටර්ගේ සොහොයුරා ගෙන් සාක්ෂි සටහන් කර ගැනීම සිදු වුණා.

වැඩිදුර සාක්ෂි විභාගය ලබන 08 වනදා දක්වා කල් තැබුණා.

ඔබේ ප්‍රතිචාරය කුමක්ද ?
පට්ට !
1
අවුල් වගේ !
0
හරි හිනා !
1
හම්මෝ !
4
මාර දුකයි !
3
මලපනිනව !
3
කුජීතයි !
3
spot_img
Subscribe
Notify of
0 Comments
Inline Feedbacks
සියලු ප්‍රතිචාර බලන්න !

සතියේ පලවූ මෙවැනිම පුවත්

spot_img

සතියේ ජනප්‍රියම පුවත්

අපගේ නවතම පුවත්

?