spot_img
AFC Banner
Empty Ad
Empty Ad

ශ්‍රී ලංකා ක්‍රිකට් පිළ අද 2024 අවුරුද්දේ වැඩ අරඹයි

ශ්‍රී ලංකාව සහ සංචාරක සිම්බාබ්වේ කණ්ඩායම සමඟ පැවැත්වෙන එක්දින තරගාවලියේ පළමු තරගය අද (06) කොළඹ ආර්.ප්‍රේමදාස ක්‍රීඩාංගණයේ දී ආරම්භ වනවා.

දිවා රාත්‍රී තරගයක් ලෙස පැවැත්වෙන මෙම තරගය ආරම්භ වන්නේ මෙරට වේලාවෙන් පස්වරු 2.30ටයි.

මෙම තරගාවලිය තුළ කුසල් මෙන්ඩිස් ශ්‍රී ලංකා කණ්ඩායම මෙහෙයවන අතර, ඔහු ශ්‍රී ලංකා එක්දින පිළේ නිත්‍ය නායකත්වයට පත්ව මෙහෙයවනු ලබන පළමු තරගාවලිය ද මෙය වනවා.

සංචාරක සිම්බාබ්වේ කණ්ඩායම මෙහෙයවනු ලබන්නේ ක්‍රේග් අර්වින් විසින්.

දෙරට අතර පවත්වා ඇති අවසන් එක්දින පහෙන් තරග 04ක ජයග්‍රහණය ශ්‍රී ලංකාව සතු වූ අතර සිම්බාබ්වේ කණ්ඩායමට ජයගත හැකි වූයේ එක් තරගයක් පමණයි.

මේ අතර ශ්‍රී ලංකා සංචිතයට නම්කර සිටි ආරම්භක පිතිකරු පැතුම් නිස්සංකට ඩෙංගු ආසාදනය වීමත් සමඟ මෙම එක්දින තරගාවලිය ඔහුට අහිමිව ගියා.

පැතුම් නිස්සංකගේ ඉවත්වීමෙන් පසු ශ්‍රී ලංකා කණ්ඩායමේ ආරම්භක පිතිකරණ භූමිකාව සඳහා යොවුන් ක්‍රීඩක ශෙවෝන් ඩැනියෙල් කැඳවීමටයි ඊයේ (05) කටයුතු කළේ.

එමෙන්ම තුන් ඉරියව් ක්‍රීඩක වනිඳු හසරංග එක්දින සංචිතය සඳහා නම්කර සිටිය ද පළමු සහ දෙවන එක්දින තරග සඳහා ඔහු ක්‍රීඩා නොකරන බවට තොරතුරු වාර්තා වුණා.

මේ අතර උපුල් තරංගගේ සභාපතිත්වයෙන් යුත් ශ්‍රී ලංකා ක්‍රිකට් තේරීම් කමිටුව පත්වීමෙන් පසු ශ්‍රී ලංකා කණ්ඩායම මුහුණ දෙන පළමු ජාත්‍යනතර තරගාවලිය ද මෙය වනවා.

ඔබේ ප්‍රතිචාරය කුමක්ද ?
+1
3
+1
0
+1
2
+1
3
+1
1
+1
0
+1
0
Subscribe
Notify of
0 Comments
Inline Feedbacks
සියලු ප්‍රතිචාර බලන්න !

?