විහාරස්ථානයකට ගොස් නරක ඡායාරූප ගැනීමට තැත් කළ කතුන් තිදෙනෙක්

කල්පිටිය, දළුව අන්තර් සමුද්‍ර විහාරස්ථානයේ ඊයේ(18) පස්වරුවේ නොසන්සුන් තත්ත්වයක් ඇතිව තිබෙනවා.ඒ එම විහාරස්ථානයට පැමිණි කාන්තාවන් තිදෙනෙකු සහ දායක සභාව අතරයි. කල්පිටිය, දළුව අන්තර් සමුද්‍ර විහාරස්ථානයට ඊයේ දහවල් කාන්තාවන් තිදෙනෙකු පැමිණ තිඛෙනවා. ඒ තමන් ප්‍රජාදිරිය නමැති කාන්තා සංවිධානයක සාමාජිකාවන් බව පවසමින්. එහිදී එම කාන්තාවන් විහාරස්ථානයේ ස්වාමීන් වහන්සේ සමඟ අසභ්‍ය ඡායාරූපයක් ගැනීමට උත්සාහ දරා තිඛෙන බවයි අප වාර්තාකරු පවසන්නේ

අනතුරුව විහාරස්ථානයට දායක සභාවේ පිරිසක් පැමිණි අතර එහිදී නොසන්සුන් තත්ත්වයක් ඇතිව තිබෙනවා .එම කාන්තාවන් පවසන්නේ දිසාපතිවරයා කියූ පරිදි මෙම ස්ථානයට පැමිණ බවයි.පසුව එම ස්ථානයට නොරොච්චෝලේ පොලීසිය කැඳවීමට කටයුතු කළා.එහිදී අදාළ කාන්තාවන් තිදෙනා අත්අඩංගුවට ගැණුනු අතර ඔවුන් අද පුත්තලම මහෙස්ත්‍රාත් අධිකරණයට ඉදිරිපත් කිරීමට නියමිතයි.

මේ අතර දළුව අන්තර් සමුද්‍ර විහරස්ථානයේ ස්වාමීන් වහන්සේ එල්ල කරන චෝදනාව සම්බන්ධයෙන් පුත්තලම දිස්ත්‍රික් ලේකම් චන්ද්‍රසිරි බණ්ඩාර මහතාගෙන් විමසීමක් කළා.එහිදී ඔහු සඳහන් කළේ මෙම සිද්ධියට තමාගේ කිසිදු සම්බන්ධයක් නොමැති බවයි.මේ පිළීබඳ තමන් ආරක්ෂක ලේකම්වරයා ඇතුළු පිරිසක් දැනුවත් කිරීමට කටයුතු කර ඇති බවද දිස්ත්‍රික් ලේකම්වරයා සඳහන් කළා.