29 C
Colombo
Monday, February 6, 2023
Peoples Bank Ad

වසර 18ක දී ඉන්දියාවේ ගුවන් තොටුපළ සංඛ්‍යාව දෙගුණයකින් ඉහළට

ඉන්දීය අග්‍රාමාත්‍ය  නරේන්ද්‍ර මෝදි  2014 වසරේ වැඩ භාර ගැනීමෙන් පසු එරට ක්‍රියාකාරී ගුවන් තොටුපළ සංඛ්‍යාව 74 සිට 140 දක්වා දෙගුණයකින් පමණ ඉහළ ගොස් තිබෙනවා.

එරට රජයේ ආරංචි මාර්ග පැවසුවේ ගෝවා හි මෝපා ජාත්‍යන්තර ගුවන්තොටුපළද අග්‍රාමාත්‍යවරයාගේ ප්‍රධානත්වයෙන් ලබන ඉරිදා විවෘත කිරීමට නියමිත බවයි.

ඉදිරි වසර පහ තුළ ගුවන් තොටුපළ 220 ක් සංවර්ධනය කර ක්‍රියාත්මක කිරීමට ඉන්දීය  රජය සැලසුම් කර තිබෙනවා.

අන්තර්  සම්බන්ධතා ඉහළ නැංවීම කෙරෙහි දැඩි අවධානයක් යොමු කර ඇති අග්‍රාමාත්‍ය නරේන්ද්‍ර මෝදි ඒ වෙනුවෙන් විවිධ ගුවන් තොටුපළවල්  විවෘත කරමින්  සහ මුල්ගල් තබමින් මෙම ව්‍යාපෘතිය සඳහා මුලපිරූ  බව ප්‍රෙස් ට්‍රස්ට් ඔෆ් ඉන්දියා වාර්තා කරනවා.

පසුගිය නොවැම්බර් මාසයේදී අරුණාචල් ප්‍රදේශ්, ඉටානගර් හි ග්‍රීන්ෆීල්ඩ් ඩොනි පෝලෝ ගුවන්තොටුපළත්, ජූලි මාසයේදී ඩියෝගර් ගුවන්තොටුපළත් අග්‍රාමාත්‍යවරයා අතින් විවෘත වූ අතර පසුගිය වසරේ නොවැම්බර් මාසයේදී ඔහු  උත්තර් ප්‍රදේශ්, ජෙවාර් හි නොයිඩා ජාත්‍යන්තර ගුවන්තොටුපළ වෙනුවෙන්  මුල්ගල  තැබුවා.

ඊට අමතරව සුප්‍රසිද්ධ බෞද්ධ සිද්ධස්ථානයක් වන කුෂිනගර් ජාත්‍යන්තර ගුවන්තොටුපළද අග්‍රාමාත්‍යවරයා අතින් විවෘත කෙරුණා.

ගෝවා හි දෙවන ගුවන් තොටුපළ වන මෝපා ජාත්‍යන්තර ගුවන් තොටුපළ සඳහා මුල්ගල තැබුණේ  2016 නොවැම්බර් මාසයේදී.
ගෝවා හි පළමු ගුවන් තොටුපළ ඩබෝලිම් හි පිහිටා ඇති අතර මෝපා ගුවන් තොටුපළ ඒ හා සාපේක්ෂව වැඩි පහසුකම්වලින් සමන්විත වනු ඇති.

ඩබෝලිම් ගුවන් තොටුපළේ වත්මන් මගීන් හැසිරවීමේ ධාරිතාව වසරකට මගීන් මිලියනය 8.5 ක්.
මෝපා ගුවන් තොටුපළ ක්‍රියාත්මක වීමත් සමඟ මුළු මගී හැසිරවීමේ ධාරිතාව වසරකට මගීන් මිලියනය 13ක් පමණ වනු ඇති බව බලධාරීන්ගේ විශ්වාසයයි.

ඩබෝලිම් ගුවන් තොටුපළට දේශීය ගමනාන්ත 15ක් සහ ජාත්‍යන්තර ගමනාන්ත 6ක් සමඟ සෘජු සම්බන්ධතා පවතින  අතර  නව ගුවන් තොටුපළත් සමඟ එය දේශීය ගමනාන්ත 35ක් සහ ජාත්‍යන්තර ගමනාන්ත 18ක් දක්වා ඉහළ යනු ඇති.

ඔබේ ප්‍රතිචාරය කුමක්ද ?
පට්ට !
2
අවුල් වගේ !
0
හරි හිනා !
0
හම්මෝ !
0
මාර දුකයි !
1
මලපනිනව !
0
කුජීතයි !
0
spot_img

සතියේ පලවූ මෙවැනිම පුවත්

Subscribe
Notify of
0 Comments
Inline Feedbacks
සියලු ප්‍රතිචාර බලන්න !
spot_img

සතියේ ජනප්‍රියම පුවත්

අපගේ නවතම පුවත්

?