ශ්රී ලංකා රේගුවේ සහකාර රේගු අධිකාරී තනතුර සඳහා බඳවා ගැනීමේ ක්රියාවලියේ පියවරක් ලෙස 2024 සැප්තැම්බර් මස 27, 28, හා 29 දින පැවැත්වීමට නියමිත සම්මුඛ පරීක්ෂණය සඳහා ” පෙරහුරු වැඩමුළු” පවත්වන බව සඳහන් කරමින් විවිධ පුද්ගලයන් සමාජ මාධ්ය ජාලා ඔස්සේ ප්රචාරණය කරමින් මුදල් ඉපැයීමේ ජාවාරමක් ආරම්භ කර ඇති බව රේගු දෙපාර්තමේන්තුව නිවේදනය කරනවා.
ඉහතින් සඳහන් කර ඇති තනතුර සඳහා පැවැත්වෙන සම්මුඛ පරීක්ෂණයේ දී අපේක්ෂකයින් හට අමතර ලකුණු ලැබෙන්නේ ජාතික හා ජාත්යන්තර මට්ටමේ ක්රීඩා තරගවලින් ලබා ඇති ජයග්රහණවලට පමණක් වන අතර එයට අමතරව එහිදී අධ්යාපන සුදුසුකම් හා ශාරීරික යෝග්යතාව පමණක් පරීක්ෂා කෙරෙනු ඇති.
වෙනත් කිසිම සුදුසුකමක් සඳහා අමතර ලකුණු ලබාදීමක් සම්මුඛ පරීක්ෂණයේ දී සිදු නොකරන බවයි අතිරේක රේගු අධ්යක්ෂ ජනරාල්, මාධ්ය ප්රකාශක සීවලී අරුක්ගොඩ මහතා සඳහන් කළේ.
එම නිසා එම සම්මුඛ පරීක්ෂණය සඳහා පෙරහුරු වැඩමුළුවලට සහභාහී වී අමතර සූදානමක් වීම අවශ්ය නොවන බව සියලු අපේක්ෂකයන් වෙත ශ්රී ලංකා රේගුව අවධාරණය කර සිටින බවයි විශේෂ නිවේදනයක් අද (24) දිනයේ දී නිකුත් කරමින් රේගු මාධ්ය ප්රකාශකවරයා පැවසුවේ.
